bipin rawat laid to final rest : अलविदा जनरल बिपीन रावत; मुलीने दिला अग्नी; १७ तोफांची सलामी आणि...

नवी दिल्ली : संपूर्ण देशासाठी आजचा दिवस अतिशय भावुक ठरला. संपूर्ण भारतीयांनी देशाच्या पहिल्या सेनापतीला म्हणजे सीडीएस जनरल रावत यांना अखेरचा निरोप दिला. रावत यांच्या कृतिका आणि तारिणी या दोन्ही मुलींनी आपल्या आई-वडिलांना मुखाग्नी दिला. हा प्रसंग संपूर्ण देशासाठी अतिशय भावुक करणारा ठरला. भारत माता की जय... वंदे मातरम्... आणि भारतीय लष्कराचा विजय असो... अशा घोषणांनी परिसर दणाणला. उपस्थित प्रत्येकाने साश्रू नयनांनी जनरल रावत यांना निरोप दिला. रावत यांच्यावर संपूर्ण लष्करी इतमामात अंत्यसंस्कार करण्यात आले.

तामिळनाडूतील कुन्नूरमध्ये बुधवारी झालेल्या हेलिकॉप्टर अपघातात सीडीएस बिपीन रावत यांच्यासह लष्कराच्या ११ जणांचे निधन झाले. दिल्लीच्या कामराज मार्गावरील कॅन्टोन्मेंट येथील ब्रार स्माशानत भूमित ब्रिगेडियर लिड्डर यांच्यावर आज सकाळी अंत्यसंस्कार करण्यात आले. त्याच ठिकाणी संध्याकाळी पावणे पाच वाजेच्या सुमारात सीडीएस जनरल बिपीन रावत आणि त्यांची पत्नी मधुलिका रावत यांच्या अंत्यसंस्कार करण्यात आले.
लष्कराने दिली १७ तोफांची सलामी

भारतीय लष्कराने देशाच्या पहिल्या सीडीएसल अखेरचा निरोप देत १७ तोफांची सलामी दिली. त्यापूर्वी संरक्षण मंत्री बिपीन रावत, राष्ट्रीय सुरक्षा सल्लागार अजित डोवल, लष्कर प्रमुख एम. एम. नरवणे, हवाई दल आणि नौदल प्रमुखांनी सीडीएस रावत यांना श्रद्धांजली वाहिली. तसंच बांगलादेश, श्रीलंका, नेपाळासह भारताच्या शेजारी देशांच्या सैन्याच्या प्रतिनिधिंनी रावत यांना श्रद्धांजली वाहिली.

iaf chopper crash : हेलिकॉप्टर अपघात; आता भारतीय हवाई दलाने केले 'हे' आवाहन

शरद पवारांनी रावत यांना वाहिली श्रद्धांजली

रावत यांचे पार्थिव सकाळी ११ वाजेपासून ते दुपारी २ वाजेपर्यंत अंत्यदर्शनासाठी दिल्लीतील त्यांच्या निवासस्थानी ठेवण्यात आले होते. माजी संरक्षण मंत्री आणि राष्ट्रवादी काँग्रेसचे नेते शरद पवार, सुप्रिया सुळे, काँग्रेस नेते, राहुल गांधी, भाजप अध्यक्ष जे. पी. नड्डा यांच्यासह इतर पक्षांच्या प्रमुख नेत्यांनी रावत यांना श्रद्धांजली वाहिली. रावत यांना श्रद्धांजली वाहण्यासाठी नागरिकांनी त्यांच्या निवासस्थानी गर्दी गेली होती.

brig ls lidder : ब्रिगेडियर लिड्डर यांच्या कुटुंबीयांना सॅल्यूट! 'मी शूर सैनिकाची पत्नी, हसत दिला निरोप'