मटा ऑनलाइन वृत्त । श्रीनगर
जम्मू-काश्मीरमधील नौशेरा भागात नियंत्रण रेषेजवळ आज पहाटे पाकिस्तानी सैन्यानं पुन्हा एकवार शस्त्रसंधीचं उल्लंघन केलं आहे. पहाटे सुमारे ६.३० च्या सुमारास पाकिस्ताननं गोळीबार सुरू केला. भारतीय सैन्य त्याला चोख प्रत्युत्तर देत आहे. दुसरीकडे श्रीनगरच्या पांथा चौकात आज पहाटेपासून दहशतवादी आणि संरक्षण दलात चकमक सुरू आहे. यात २ जवान जखमी झाले आहेत.
शुक्रवारी याच जागी दहशतवाद्यांनी केलेल्या हल्ल्यात सीआरपीएफचे दोन जवान शहीद झाले होते. शनिवारी पहाटेदेखील पूँछ क्षेत्रात पाकिस्तानने शस्त्रसंधीचं उल्लंघन केलं होतं. शुक्रवारी सायंकाळी दहशतवाद्यांनी सीआरपीएफच्या गाडीवर हल्ला केला होता, त्यानंतर ते डीपीएस श्रीनगरच्या दिशेने पळाले होते. त्यानंतर लष्करानं संपूर्ण परिसरात सर्च ऑपरेशन सुरू केलं होतं. यादरम्यान काही स्थानिकांनी सैनिकांवर दगडफेक केल्यानं या ऑपरेशनमध्ये अडथळे येत होते.
जम्मू-काश्मीरमधील नौशेरा भागात नियंत्रण रेषेजवळ आज पहाटे पाकिस्तानी सैन्यानं पुन्हा एकवार शस्त्रसंधीचं उल्लंघन केलं आहे. पहाटे सुमारे ६.३० च्या सुमारास पाकिस्ताननं गोळीबार सुरू केला. भारतीय सैन्य त्याला चोख प्रत्युत्तर देत आहे. दुसरीकडे श्रीनगरच्या पांथा चौकात आज पहाटेपासून दहशतवादी आणि संरक्षण दलात चकमक सुरू आहे. यात २ जवान जखमी झाले आहेत.
शुक्रवारी याच जागी दहशतवाद्यांनी केलेल्या हल्ल्यात सीआरपीएफचे दोन जवान शहीद झाले होते. शनिवारी पहाटेदेखील पूँछ क्षेत्रात पाकिस्तानने शस्त्रसंधीचं उल्लंघन केलं होतं. शुक्रवारी सायंकाळी दहशतवाद्यांनी सीआरपीएफच्या गाडीवर हल्ला केला होता, त्यानंतर ते डीपीएस श्रीनगरच्या दिशेने पळाले होते. त्यानंतर लष्करानं संपूर्ण परिसरात सर्च ऑपरेशन सुरू केलं होतं. यादरम्यान काही स्थानिकांनी सैनिकांवर दगडफेक केल्यानं या ऑपरेशनमध्ये अडथळे येत होते.