Coronavirus India : चिंता व्यक्त करत केंद्राने राज्यांना लिहिले पत्र; म्हटले, 'तातडीने करोना... '

नवी दिल्ली : करोनाच्या चाचण्या कमी प्रमाणात होत असल्यावरून केंद्र सरकारने राज्य सरकारांकडे चिंता व्यक्त केली आहे. करोनाच्या वाढत्या रुग्णसंख्येमुळे केंद्र सरकारने राज्ये आणि केंद्रशासित प्रदेशांना धोरणात्मक पद्धतीने कोविड-19 चाचण्या वाढवण्याचे निर्देश दिले आहेत. केंद्रीय आरोग्य आणि कुटुंब कल्याण मंत्रालयाने राज्ये आणि केंद्रशासित प्रदेशांना यासंदर्भात पत्र लिहिले आहे.

केंद्राने काय म्हटले पत्रात?

विशिष्ट भागात करोनाची वाढती रुग्णसंख्या पाहता धोरणात्मक आणि टप्प्याटप्प्याने करोना चाचण्यांमध्ये वाढ करावी. काही राज्ये आणि केंद्रशासित प्रदेशांमध्ये कोविड चाचणीत घट झाली आहे, असं इंडियन कौन्सिल ऑफ मेडिकल रिसर्चच्या आकडेवारीवरून असे दिसून आल्याचे आरोग्य विभागाच्या अतिरिक्त सचिव आरती आहुजा यांनी सांगितले. या काळात करोना आणि ओमिक्रॉनच्या रुग्णांची संख्या वाढली आहे. जागतिक आरोग्य संघटनेने ओमिक्रॉनला चिंताजनक वेरियंट घोषित केले आहे.
Covid Treatment Guideline: कोविड उपचारांसाठी नव्या गाइडलाइन्स; स्टेरॉइड्स टाळा, खोकला थांबत नसेल तर...

देशभरात सध्या Omicron चा संसर्ग पसरत आहे, असे ते म्हणाले. मंत्रालयाची यापूर्वीची मार्गदर्शक तत्त्वे आणि २७ डिसेंबर २०२१ ला ओमिक्रॉनच्या संदर्भात महामारी व्यवस्थापन योजना तयार करण्याबाबत गृह मंत्रालयाच्या सल्ल्याचा संदर्भ आहुजा यांनी दिला. करोना चाचण्या घेणे हा एक महत्त्वाचा घटक आहे. लवकरात लवकर करोनाचे संशयित रुग्ण शोधावे आणि त्यांना विलगीकरणात ठेवण्याची प्रक्रिया लवकरात लवकर पूर्ण करावी. ज्या भागात करोना संसर्गाचा प्रसार जास्त होण्याची शक्यता आहे, तिथे तो रोखण्याचा प्रयत्न करावा, असे निर्देश आरोग्य सचिव आरती आहुजा यांनी दिलेत.

coronavirus : केंद्राचे घुमजाव! १२ ते १४ वयोगटातील मुलांच्या लसीकरणाबाबत मोठी अपडेट