चंदीगड: देशात सध्या 'पुष्पा'चा फीवर पाहायला मिळत असतानाच काँग्रेसनेही केंद्रातील मोदी सरकारला इशारा देण्यासाठी पुष्पाचा डायलॉग सुनावला आहे. पंजाबमध्ये ईडीने केलेल्या कारवाईवर बोट ठेवत 'चन्नी झुकेगा नही...' असे उघड आव्हान देणारे पोस्टरच काँग्रेसने प्रसिद्ध केले आहे. पंजाब युवक काँग्रेसने ट्वीटरवर हे पोस्टर शेअर केले असून सोशल मीडियात हे पोस्टर चांगलेच व्हायरल होत आहे. ( Charanjit Singh Channi ED Raid Latest Update ) वाचा : ओवेसींवरील हल्ल्याचे हिंदू सेनेने केले समर्थन!; दिला 'हा' इशारा
पंजाब विधानसभा निवडणुकीची रणधुमाळी रंगली असतानाच मुख्यमंत्री चरणजीतसिंग चन्नी यांचा पुतण्या भूपेंद्रसिंग हनी याला ईडीने अटक केली आहे. अवैध वाळू उपसा प्रकरणी दाखल गुन्ह्यात कारवाई करताना ईडीने भूपेंद्रसिंग याच्या घरी छापा टाकला होता. या कारवाईत मोठी रोकड जप्त करण्यात आली. या कारवाईने मोठी खळबळ उडाली असून मुख्यमंत्री चन्नी यांनी केंद्र सरकारवर जोरदार शब्दांत निशाणा साधला आहे. मला टार्गेट करण्यासाठी मोदी सरकारने ही कारवाई केली असा आरोप त्यांनी केला आहे. त्यानंतर काँग्रेस पक्षही चन्नी यांच्या बाजूने उभा राहिला असून आता तर मोदी सरकारला लक्ष्य करण्यासाठी काँग्रेसने 'पुष्पा' सिनेमातील डायलॉगचा आधार घेतला आहे. पंजाब युवक काँग्रेसच्या अधिकृत ट्वीटर हँडलवर चन्नी यांचे एक पोस्टर पोस्ट करण्यात आले आहे. त्यातून केंद्राला इशारा दिला गेला आहे. 'ईडी की रेड मारो, या झूठे आरोप लगाओ, चन्नी झुकेगा नही...' असा या पोस्टरवरचा मजकूर असून त्याची पंजाबच्या राजकीय वर्तुळात जोरदार चर्चा सुरू आहे. हे पोस्टर सोशल मीडियात वेगाने व्हायरलही होत आहे.
वाचा :तिसऱ्या लाटेत करोनाने कुणाला गाठलं?; या वयोगटाला अलर्ट करणारा अहवाल
दरम्यान, पंजाबमध्ये काँग्रेसचा मुख्यमंत्रिपदाचा उमेदवार कोण असणार, याबाबत अजूनही सस्पेन्स कायम आहे. काँग्रेस नेते राहुल गांधी रविवारी याबाबत घोषणा करण्याची शक्यता आहे. मुख्यमंत्री चन्नी आणि पंजाब काँग्रेसचे अध्यक्ष नवज्योतसिंग सिद्धू यांची नावे यासाठी सर्वात आघाडीवर आहेत. ईडीच्या कारवाईचा इफेक्ट यात दिसून येणार का, असा प्रश्नही सध्या विचारला जात आहे. मात्र, काँग्रेसचा एकंदर कल लक्षात घेता चन्नी यांच्यावर पक्ष नेतृत्वाचा पूर्ण विश्वास असल्याचे स्पष्ट होत असून संघटनात्मक पातळीवरही त्यांना मोठा पाठिंबा असल्याचा संदेश युवक काँग्रेसच्या ट्वीटमधून दिला गेला आहे.
वाचा : करोनाची तिसरी लाट: 'तो' धोका टळला?; केंद्राने दिली अत्यंत महत्त्वाची माहिती
पंजाब विधानसभा निवडणुकीची रणधुमाळी रंगली असतानाच मुख्यमंत्री चरणजीतसिंग चन्नी यांचा पुतण्या भूपेंद्रसिंग हनी याला ईडीने अटक केली आहे. अवैध वाळू उपसा प्रकरणी दाखल गुन्ह्यात कारवाई करताना ईडीने भूपेंद्रसिंग याच्या घरी छापा टाकला होता. या कारवाईत मोठी रोकड जप्त करण्यात आली. या कारवाईने मोठी खळबळ उडाली असून मुख्यमंत्री चन्नी यांनी केंद्र सरकारवर जोरदार शब्दांत निशाणा साधला आहे. मला टार्गेट करण्यासाठी मोदी सरकारने ही कारवाई केली असा आरोप त्यांनी केला आहे. त्यानंतर काँग्रेस पक्षही चन्नी यांच्या बाजूने उभा राहिला असून आता तर मोदी सरकारला लक्ष्य करण्यासाठी काँग्रेसने 'पुष्पा' सिनेमातील डायलॉगचा आधार घेतला आहे. पंजाब युवक काँग्रेसच्या अधिकृत ट्वीटर हँडलवर चन्नी यांचे एक पोस्टर पोस्ट करण्यात आले आहे. त्यातून केंद्राला इशारा दिला गेला आहे. 'ईडी की रेड मारो, या झूठे आरोप लगाओ, चन्नी झुकेगा नही...' असा या पोस्टरवरचा मजकूर असून त्याची पंजाबच्या राजकीय वर्तुळात जोरदार चर्चा सुरू आहे. हे पोस्टर सोशल मीडियात वेगाने व्हायरलही होत आहे.
वाचा :तिसऱ्या लाटेत करोनाने कुणाला गाठलं?; या वयोगटाला अलर्ट करणारा अहवाल
दरम्यान, पंजाबमध्ये काँग्रेसचा मुख्यमंत्रिपदाचा उमेदवार कोण असणार, याबाबत अजूनही सस्पेन्स कायम आहे. काँग्रेस नेते राहुल गांधी रविवारी याबाबत घोषणा करण्याची शक्यता आहे. मुख्यमंत्री चन्नी आणि पंजाब काँग्रेसचे अध्यक्ष नवज्योतसिंग सिद्धू यांची नावे यासाठी सर्वात आघाडीवर आहेत. ईडीच्या कारवाईचा इफेक्ट यात दिसून येणार का, असा प्रश्नही सध्या विचारला जात आहे. मात्र, काँग्रेसचा एकंदर कल लक्षात घेता चन्नी यांच्यावर पक्ष नेतृत्वाचा पूर्ण विश्वास असल्याचे स्पष्ट होत असून संघटनात्मक पातळीवरही त्यांना मोठा पाठिंबा असल्याचा संदेश युवक काँग्रेसच्या ट्वीटमधून दिला गेला आहे.
वाचा : करोनाची तिसरी लाट: 'तो' धोका टळला?; केंद्राने दिली अत्यंत महत्त्वाची माहिती