शिवरायांच्या मूर्तीमुळे जाऊ दिले नाही, भाविकाच्या आरोपानंतर तिरुपती देवस्थानने दिले स्पष्टीकरण

तिरुपती : कारमध्ये छत्रपती शिवाजी महाराजांची मूर्ती असल्यामुळे तिरुपती येथे चेकपोस्टवर अडवण्यात आल्याचा आरोप एका नागरिकाने केला आहे. यासंबंधिचा व्हिडिओही व्हायरल झाला आहे. सुरेश गावंडे पाटील यांचा हा व्हिडिओ आहे. तिरुपती येतून तिरुमालाला बालाजीच्या दर्शनासाठी जात असताना चेक पोस्टवर आपली कार आडवण्यात आली. छत्रपती शिवाजी महारारांची मूर्ती कारमधून काढण्यास सांगण्यात आले, असा आरोप सुरेश पाटील यांनी केला आहे. हा व्हिडिओ व्हायरल झाल्यानंतर आता तिरुमला तिरुपती देवस्थानकडून एक स्पष्टीकरण देण्यात आले आहे.

व्हिडिओतून काय केले आरोप?

सुरेश गावंडे पाटील यांनी फेसबुक पोस्टमधून आपला एक व्हिडिओ शेअर केला आहे. ही पोस्ट शुक्रवारची आहे. तिरुपती येथून तिरुमालाला जात असताना चेक पोस्टवर आपली कार चेक करण्यात आली. आपले दैवत छत्रपती शिवाजी महाराज यांची मूर्ती कारमधून काढण्यास सांगितले. नाही काढली तर तुम्ही कार वरती नेऊ शकत नाही, असे तेथील अधिकाऱ्याने सांगितले. आपण त्यांना विनंती केली. पण त्यांनी नकार दिला, असा आरोप सुरेश पाटील यांनी केला आहे.

ज्या राज्यात आपल्या छत्रपतींचे पाहिले मंदिर आहे. त्याच राज्यात जर फक्त छत्रपतींची मूर्ती कारमध्ये असल्याने तिरुमालाला जाऊ दिले जात नाही, याचा मी जाहीर निषेध करतो.
आपल्या कार पार्क करून त्यांच्या बसने जाने योग्य वाटले नाही. यामुळे आपण पुढचा प्रवास चालू केला, असा आरोप सुरेश पाटील यांनी केला आहे. तिरुपती येथील टोल नाक्याचे २७० रुपये दिल्याचेही त्यांनी शेअर केले आहे.

'माध्यमांची न्यायालये' लोकशाहीसाठी घातक; सरन्यायाधीश रमणा यांची टीपण्णी

तिरुमाला संस्थानने दिले स्पष्टीकरण

सुरेश पाटील यांचा व्हिडिओ आणि फेसबुक पोस्ट व्हायरल झाल्यानंतर सोशल मीडियातून संताप व्यक्त करण्यात आला. अनेकांनी तीव्र नाराजी व्यक्त केली. या प्रकरणी तिरुमाला तिरुपती संस्थानकडून स्पष्टीकरण देण्यात आले आहे. तिरुपतीच्या दर्शनासाठी येणाऱ्या भाविकांना वाहनांमध्ये मूर्ती, छायाचित्रे, राजकीय पक्षांचे झेंडे, चिन्हे, मूर्तीपूजेचे साहित्य तिरुमालाला नेण्यास मनाई आहे, असं संस्थानच्या जनसंपर्क कार्यालयाने स्पष्ट केलं आहे.

मंकीपॉक्स आजार अखेर जागतिक आणीबाणी म्हणून जाहीर; ७० देशांमध्ये उद्रेक