व्हॅलेंटाइन्स डे नको, 'मातृ-पितृ पूजन' दिन करा!

मटा ऑनलाइन वृत्त । नवी दिल्ली

सगळ्या जगात प्रेमी युगुलं व्हॅलेंटाइन्स डे साजरा करण्याच्या धुंदीत असताना, मध्य प्रदेशात मात्र जिल्हाधिकाऱ्यांनी या दिवसावर हंटर उगारला आहे. हा दिवस मातृ-पितृ पूजन दिवस म्हणून साजरा केला जावा असा फतवाच मध्य प्रदेशच्या छिंदवाडा जिल्ह्याच्या जिल्हाधिकाऱ्यांनी काढला आहे.

जिल्हाधिकाऱ्यानी काढलेल्या आदेशात लिहिले आहे की लहान मुले आणि युवा वर्गाला माता-पित्यांप्रति पूज्य भाव दर्शवण्याची गरज आहे. त्यामुळे १४ फेब्रुवारी जिल्ह्यात 'मातृ-पितृ पूजन' दिवस म्हणून साजरा केला जावा. जिल्ह्यातल्या सर्व शैक्षणिक आणि सामाजिक संस्थांमध्ये हा कार्यक्रम विशेष रुपात साजरा करावा. घरात, कुटुंबात, गल्लीत, गावात, शहरात या प्रकारचे कार्यक्रम आयोजित करून या संकल्पनेला वृद्धिंगत करावे.

तुरुंगात असणाऱ्या आसाराम बापूने गेल्या काही वर्षांत हा दिवस मातृ-पितृ पूजन दिनाच्या रुपात साजरा करण्यासाठी अनेक कार्यक्रमांचे आयोजन केले होते. बाबा रामदेव यांच्यासारखे संतही व्हॅलेंटाइन्स डे च्या विरोधात प्रतिक्रिया देत असतात. बजरंग दल आणि विश्व हिंदू परिषदसारख्या संघटना याविरोधात निदर्शने करत असतात. Madhya Pradesh: Chhindwara collector issues notice, asking people to worship their parents on Valentine's Day. pic.twitter.com/UljAQZlEFC — ANI (@ANI_news) February 10, 2017