'हे तर भाजपचे सेलिब्रेशन, शिवसेना कुठेय?'

मटा ऑनलाइन वृत्त । नवी दिल्ली

शिवसेना, भाजपतील अंतर्गत धुसफूशिवर बोट ठेवत काँग्रेसने केंद्रातील पंतप्रधान नरेंद्र मोदी सरकारसह भाजपवर निशाणा साधाला आहे. 'केंद्र सरकारला दोन वर्ष झाल्याच्या निमित्ताने विविध कार्यक्रम आयोजित करण्यात आले आहेत. पण यात एनडीएतील एकाही घटक पक्षाचा समावेश नाही. विशेष म्हणजे शिवसेनाही या सेलिब्रेशनमध्ये कुठे दिसून येत नाही', असा टोला काँग्रेसचे ज्येष्ठ नेते पी. चिदम्बरम यांनी लगाला आहे.

'भाजप, शिवसेनेतील संबंध तणाले गेले आहेत. यामुळे केंद्रातील सरकारचे सेलिब्रेशन हे फक्त भाजपचेच आहे. नाराज शिवसेना यात कुठेही सहभागी झालेली नाही', असं चिदम्बरम म्हणाले. 'निवडणुकीत जनतेला मोठ-मोठी आश्वासनं दिली गेली. पण सर्वच पातळ्यांवर हे सरकार अपयशी ठरलं आहे. रोजगार निर्मिती, कृषी उत्पादन घसरले, वार्षिक उत्पादन विक्री दर घटला आहे. शिवाय दुष्काळामुळे देशातील शेतकरी आणि जनता होरपळत असताना सरकारला सेलिब्रेशन करणं शोभतं का?', असा सवाल चिदम्बरम यांनी केला.