वृत्तसंस्था, नवी दिल्ली
आयएनएक्स मीडिया मनी लाँडरिंग प्रकरणी माजी केंद्रीय अर्थमंत्री पी. चिदंबरम यांच्या न्यायालयीन कोठडीत दिल्ली न्यायालयाने २७ नोव्हेंबरपर्यंत वाढ केली आहे. चिदंबरम यांच्या विरोधात अंमलबजावणी संचालनालयाने फिर्याद दाखल केली आहे.
आयएनएक्स मीडिया मनी लाँडरिंग प्रकरणात ७४ वर्षीय चिदंबरम यांना २१ ऑगस्ट रोजी अटक झाली असून, सध्या ते अंमलबजावणी संचालनालयाच्या ताब्यात आहेत. दिल्लीमध्ये वकीलांचा संप सुरू असल्यामुळे चिदंबरम यांना राऊझ अॅव्हेन्यू कोर्ट परिसरात आणणे शक्य नाही. त्यामुळे त्यांच्या कोठडीत वाढ करण्याविषयी अमंलबजावणी संचालनालयाने न्यायालयाला विनंती केली होती.