kamla nehru hospital fire : भोपाळमध्ये रुग्णालयाला आग; चार बालकांचा मृत्यू

भोपाळः भोपाळच्या कमला नेहरू हॉस्पिटलमधील मुलांच्या वॉर्डला आग ( Children's ward of Kamla Nehru Hospital ) लागली आहे. या आगीमुळे अनेक मुलं अडकल्याची भीती व्यक्त केली जात आहे. अग्निशमन दलाचे जवान घटनास्थळी दाखल झाले आहेत. तसंच मदत आणि बाचवकार्य सुरू आहे. या घटनेची माहिती मिळताच राज्याचे वैद्यकीय शिक्षणमंत्री विश्वास सारंग हे घटनास्थळी दाखल झाले आहेत. मृत मुलांची संख्या वाढून ४ झाली आहे.

हॉस्पिटलमधील मुलांच्या वॉर्डला आग लागून ३ ते ४ तास उलटून गेले आहेत. पण मुलांची स्थिती कशी आहे? याबाबत आम्हाला अद्याप कुठलीही माहिती दिली गेली नसल्याचं हॉस्पिटल बाहेर उभ्या असलेल्या पालकांनी सांगितलं.
Telangana: बेजबाबदार वक्तव्य टाळा अन्यथा जीभ कापून टाकू; मुख्यमंत्री भाजप नेत्यावर भडकले

Chhattisrgarh: CRPF जवानाचा सहकाऱ्यांवर गोळीबार, कारण आलं समोर...

दरम्यान, मध्य प्रदेशचे मुख्यमंत्री शिवराज सिंह चौहान यांनी या घटनेची गंभीर दखल घेतली आहे. या घटनेत ३ मुलांचा होरपळून मृत्यू झाल्याची माहिती त्यांनी दिली आहे. मृत्यू झालेल्यांना तीन मुलांना आधीच गंभीर आजार होता, असं मुख्यमंत्री चौहान यांनी ट्विट करून सांगितलं आहे. तसंच या घटनेच्या उच्चस्तरीय चौकशीचे आदेश देण्यात आले आहेत, असंही मुख्यमंत्री शिवराज सिंह चौहान म्हणाले.

रात्री उशिरा वैद्यकीय शिक्षणमंत्री विश्वास सारंग यांनी या घटनेची अधिक माहिती दिली. या घटनेत ४ मुलांचा होरपळून मृत्यू झाला आहे. एकूण ४० मुलं हॉस्पिटलमध्ये दाखल होती. त्यापैकी ३६ मुलं सुरक्षित आहेत. मृत मुलांच्या पालकांना ४ लाखांची मदत दिली जाईल, असं मंत्री सारंग यांनी सांगितलं.