अ‍ॅपशहर

चॉकलेट विक्रेत्याच्या बँक खात्यात ₹१८ कोटी!

एका चॉकलेटविक्रेत्याची कमाई किती असू शकते? ५ लाख, १० लाख.. की १ कोटी? सी. किशोर लाल नावाच्या ३० वर्षीय चॉकलेट विक्रेत्याच्या बॅंक खात्यात आयकर विभागाला तब्बल १८ कोटी रुपये आढळून आले आहेत. या पैशांचा हिशेब देण्यासाठी विभागाने त्याला समन्स बजावले आहेत.

Maharashtra Times 4 Jun 2017, 12:28 pm
मटा ऑनलाइन वृत्त । विजयवाडा
महाराष्ट्र टाइम्स.कॉम chocolate vendors account gets rs 18 crore deposit
चॉकलेट विक्रेत्याच्या बँक खात्यात ₹१८ कोटी!


एका चॉकलेटविक्रेत्याची कमाई किती असू शकते? ५ लाख, १० लाख.. की १ कोटी? सी. किशोर लाल नावाच्या ३० वर्षीय चॉकलेट विक्रेत्याच्या बॅंक खात्यात आयकर विभागाला तब्बल १८ कोटी रुपये आढळून आले आहेत. या पैशांचा हिशेब देण्यासाठी विभागाने त्याला २५ मे रोजी समन्स बजावले आहेत.

किशोर लाल दारोदार जाऊन चॉकलेट्स विकतो. त्याची दररोजची कमाईदेखील तुटपुंजी आहे. त्या तुलनेत त्याच्या खात्यावर जमा झालेली रक्कम मात्र अचंबित करणारी आहे. त्याच्या खात्यावर १८ कोटी १४ लाख ९८ हजार ८१५ रुपये जमा आहेत! किशोरने अलिकडेच श्री रेणुकामाता मल्टीस्टेट को-ऑपरेटिव्ह अर्बन क्रेडिट सोसायटी या विजयवाड्यातील ब्राह्मण स्ट्रीटवरील सहकारी बँकेत खाते उघडले होते.

ही बँक अहमदाबादची आहे. विजयवाडा येथे बँकेने नुकतीच शाखा उघडली आहे. गेल्या काही महिन्यांपासून किशोरच्या खात्यात मुंबईतून या संशयास्पद उलाढाली होत आहेत. या उलाढालींविषयी आपल्याला काहीही माहिती नसल्याचं किशोरने आयकर खात्याला सांगितलं आहे. आयकर खात्याने बँकेकडून सीसीटीव्ही फुटेजचा तपशील देखील मागवला आहे. यात बँकेचाच काही हात आहे का यादृष्टीनेही तपास केला जाणार असल्याचे आयकर विभागाच्या सूत्रांकडून कळले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज