yogi adityanath photos with pm modi : योगींनी PM मोदींसोबतचे फोटो केले पोस्ट; सोशल मीडियावर व्हायरल

लखनऊः उत्तर प्रदेशचे मुख्यमंत्री योगी आदित्यनाथ यांनी त्यांच्या ट्विटर अकाउंटवरून पंतप्रधान नरेंद्र मोदींसोबतचे दोन फोटो पोस्ट केले आहेत. हे फोटो सोशल मीडियावर व्हायरल झाले. या फोटोंमध्ये पंतप्रधान मोदी मुख्यमंत्री योगींच्या खांद्यावर हात ठेवून चालत आहेत आणि दोघांमध्ये चर्चा सुरू असल्याचं दिसतंय. एक फोटो समोरून तर दुसरा फोटा पाठीमागच्या बाजूने घेतले आहे. योगींनी फोटोंसह एक कविताही पोस्ट केली आहे.

उत्तर प्रदेशातील विधानसभा निवडणुकीपूर्वी पोस्ट केलेल्या योगींच्या या फोटोंवरून तर्कवितर्क लावले जात आहेत. योगींनी जे लिहिले तेही राजकीय संकेत आहेत. या दोघांमधील चर्चाही राजकीय असल्याचे दिसून येत आहे.

काय लिहिले आहे योगींनी?

'हम निकल पड़े हैं प्रण करके, अपना तन-मन अर्पण करके। जिद है एक सूर्य उगाना है, अम्बर से ऊंचा जाना है, एक भारत नया बनाना है।' इस तस्वीर को लेकर बलिया सांसद और पूर्व राष्ट्रीय अध्यक्ष भारतीय जनता पार्टी किसान मोर्चा वीरेंद्र सिंह मस्त ने भी शेयर किया। उन्होंने लिखा, 'चाहे जितना जोर लगालो जीतेगी बीजेपी ही आएंगे फिर योगी जी आएंगे फिर योगी जी।'

farm laws news : कृषी कायदे मागे घेण्यास केंद्रीय मंत्रिमंडळ बुधवारी मंजुरी देणार, सूत्रांची माहिती

व्हायरल झालेत फोटो, अनेक जणांकडून शेअर

'तू न थकेगा कभी, तू न रुकेगा कभी, तू न मुड़ेगा कभी, कर शपथ, कर शपथ, कर शपथ, अग्निपथ अग्निपथ अग्निपथ !' , असे
हे फोटो शेअर करत माहिती सल्लागार शलभ मणी त्रिपाठी यांनी लिहिले आहे.

farm laws : कृषी कायद्यांवर राजस्थानचे राज्यपाल बोलले, 'पुन्हा येऊ शकतात कायदे'

पुढील वर्षी यूपीमध्ये विधानसभेच्या निवडणुका होत आहेत. यूपीचे मुख्यमंत्री योगी आणि पीएम मोदी निवडणुका जिंकण्यासाठी सतत जाहीरसभा, पायाभरणी आणि लोकपर्ण समारंभांसह अनेक कार्यक्रम आयोजित करण्यात आले आहेत. पंतप्रधानांनीही सातत्याने यूपीवर लक्ष केंद्रित केले आहे. पंतप्रधान मोदीही योगींची सतत स्तुती करत आहेत आणि योगीही भाषणात पंतप्रधान मोदींच्या योजनांचे कौतुक करत आहेत.

पंतप्रधान नरेंद्र मोदी हे शनिवारी लखनऊमध्ये होते. पोलीस महासंचालकांच्या परिषदेत ते सहभागी झाले होते. यादरम्यान नक्षलवादी हिंसाचार, दहशतवादी मॉड्यूल्सवर कारवाई आणि सायबर सुरक्षा या मुद्द्यांवर ठळकपणे चर्चा झाली. पंतप्रधान संपूर्ण सत्र उपस्थित राहिले.