देशात प्रथमच कुत्र्याच्या हृदयावर झाली शस्रक्रिया

नवी दिल्लीः देशातील पशुवैद्यकीय चिकित्सा क्षेत्रात एक मोठी घडामोड झालीय. एका कॉकर स्पेनियल जातीच्या कुत्र्याच्या ह्रदयावर शस्रक्रिया करून पेसमेकर बसवण्यात आला. अशा प्रकारची शस्रक्रिया देशातच प्रथमच झाल्याचा दावा, पशुवैद्यकीय चित्सकांनी केलाय. खुशी नावाच्या कुत्र्यावर शस्रक्रियेद्वारे एक पीडियाट्रिक पेसमेकर बसवण्यात आलाय. या कुत्र्याचे हृदय ब्लॉक झाले होते. यामुळे त्याच्या हृदयाचे ठोके २० बीट्स प्रतिमिनिट इतके कमी झाले होते. सामन्यपणे हे ठोके ६० ते १२० बीट प्रतिमिनिट इतके असतात.

दिल्लीतील ग्रेटर कैलास भागातील प्राण्यांचे इंटरव्हेंशनल कार्डियोलॉजिस्ट डॉक्टर भानू देव शर्मा यांचे मॅक्स वेट्स हॉस्पिटल आहे. डॉक्टर शर्मा यांनी लग्झमबर्ग विद्यापीठातून एनिमल कार्डियोलॉजीची पदवी घेतलीय. त्यांनी या कुत्र्यावर उपचार केले. खुशीचे हृदय सामान्यपणे काम करत नव्हते. तिच्या हृदयातील रक्ताभिसरण प्रक्रिया अतियश कमी होत होते. यामुळे खुशी सतत बेशुद्ध पडत होती, असं शर्मा म्हणाले.

खुशी ही आळशी कुत्री आहे. गेल्या वर्षी कानाच्या आपत्कालीन शस्रक्रियेदरम्यान ती पडली. यावेळी डॉक्टरांनी तिला कसेबसे वाचवले. यावेळी तिला गंभीर आजार असल्याचं डॉक्टरांच्या लक्षात आलं. कानावरील शस्रक्रियेनंतर खुशी बरी झाल्यावर तिचे परीक्षण करण्यात आले. ईसीजी केल्यानंतर तिचे हृदय ब्लॉक झाल्याचे समोर आले.

युरोपीयन सहकाऱ्यांच्या मदतीने डॉक्टर शर्मा आणि डॉक्टर कुणाल देव शर्मा यांनी चर्चा केली. यानंतर कुत्र्यावर कधी न करण्यात आलेली पेसमेकर शस्रक्रिया करण्याचे निश्चित झाले. १५ डिसेंबरला खुशीवर शस्रक्रिया झाली. दीड तासांहून अधिक वेळ चाललेल्या शस्त्रक्रियेत खुशीच्या हृदयात पेसमेकर बसवण्यात आला. पेसमेकर बसवल्यानंतर खुशी सामन्यपणे हालचाली करू लागलीय. ती एकदम बालपणात गेल्याचं सारखं वाटतंय, असं गुरूग्रामचे रहिवासी आणि खुशीचे मालक मनु यांनी सांगितलं.