कोईम्बतूर: पोलिसी गणवेशात फिरणाऱ्या, वाहनांची तपासणी करणाऱ्या एकाला पोलिसांनी अटक केली. करुमाथामपट्टी परिसरात वाहनांची तपासणी करताना पोलिसांनी तरुणाला अटक केली. पोलीस उपनिरीक्षक म्हणून वावरणारा तरुण बोगस असल्याचं खऱ्या पोलिसांच्या चौकशीतून समोर आलं. विशेष म्हणजे पोलीस उपनिरीक्षक असल्याची ओळख सांगूनच त्यानं विवाह केला आहे. घरातून बाहेर पडताना तरुण गणवेश परिधान करून निघायचा. यानंतर कामाला जाण्याआधी सूत गिरणीत कपडे बदलायचा.
एक जण पोलीस अधिकारी म्हणून वाहनांची तपासणी करतो. कागदपत्रांची मागणी करतो. मात्र त्याच्या हालचाली संशयास्पद वाटतात, अशी माहिती काही प्रवाशांनी पोलिसांना दिली होती. यानंतर करुमाथामपट्टी पोलिसांनी तातडीनं हालचाली सुरू केल्या. वाहनांची तपासणी करताना त्यांनी तोतयाला पोलिसाला पकडलं. कोईम्बतूर ते थिरुप्पूर मार्गावर वाहनं तपासताना बोगस पोलीस अलगद सापडला.
पोलीस बनून फिरणाऱ्या तरुणाचं नाव सेल्वम असल्याचं चौकशीतून समोर आलं. सेल्वम सूतगिरणीत कामाला आहे. पोलीस अधिकारी बनून फिरायला आवडत असल्यानं सेल्वम गणवेश घालून वावरायचा. सेल्वमनं पोलिसी गणवेश खरेदी केला होता. तो बुलेट घेऊन परिसरात फिरायचा. सध्या या प्रकरणाची चौकशी सुरू आहे.
एक जण पोलीस अधिकारी म्हणून वाहनांची तपासणी करतो. कागदपत्रांची मागणी करतो. मात्र त्याच्या हालचाली संशयास्पद वाटतात, अशी माहिती काही प्रवाशांनी पोलिसांना दिली होती. यानंतर करुमाथामपट्टी पोलिसांनी तातडीनं हालचाली सुरू केल्या. वाहनांची तपासणी करताना त्यांनी तोतयाला पोलिसाला पकडलं. कोईम्बतूर ते थिरुप्पूर मार्गावर वाहनं तपासताना बोगस पोलीस अलगद सापडला.
पोलीस बनून फिरणाऱ्या तरुणाचं नाव सेल्वम असल्याचं चौकशीतून समोर आलं. सेल्वम सूतगिरणीत कामाला आहे. पोलीस अधिकारी बनून फिरायला आवडत असल्यानं सेल्वम गणवेश घालून वावरायचा. सेल्वमनं पोलिसी गणवेश खरेदी केला होता. तो बुलेट घेऊन परिसरात फिरायचा. सध्या या प्रकरणाची चौकशी सुरू आहे.