अरेरे! ५ फुटी सळई उडाली, ट्रेनची खिडकी फोडून मानेतून आरपार गेली; ३ दिवसांनंतर होता वाढदिवस

अलिगढ: मृत्यू कोणाला कधी आणि कसा गाठेल काहीच सांगता येत नाही. रेल्वे प्रवास सुरक्षित मानला जातो. खिडकीजवळच्या आसनासाठी भांडणं होतात. मात्र दिल्लीहून लखनऊला निघालेल्या हरिकेश यांच्यासाठी विंडो सीट जीवघेणी ठरली. अलिगढच्या जवळ त्यांचा मृत्यू झाला. घटना इतकी वेगात घडली की हरिकेशसह त्यांच्या सहप्रवाशांना काहीच करता आलं नाही.

दिल्लीहून निघालेली निलांचल एक्स्प्रेस लखनऊसाठी रवाना झाली. सकाळी ९ ते १०.३० दरम्यान अलिगढजवळ ब्लॉक घेण्यात येणार होता. मात्र ८.३५ पासूनच काम सुरू करण्यात आलं. मजूर आणि कर्मचाऱ्यांचा बेजबाबदारपणा हरिकेश यांच्या जीवावर बेतला. हरिकेश यांच्या मृत्यूनं दोन मुलांचं पितृछत्र हरपलं. पाच वर्षांपूर्वीच हरिकेश यांचा विवाह शालिनी दुबे यांच्याशी झाला होता. ५ डिसेंबरला हरिकेश यांचा वाढदिवस होता. मात्र त्याच्या ३ दिवस आधीच त्यांनी जगाचा निरोप घेतला.
२० सेकंदांत ११४चा स्पीड गाठला अन् अनर्थ घडला; दोन तरुणांचा अंत; त्यांनीच रेकॉर्ड केला VIDEO
बहिणीच्या लग्नासाठी हरिकेश लखनऊला चालले होते. त्यांच्या घरी वाढदिवसाची तयारी सुरू होती. मात्र नियतीच्या मनात काहीतरी वेगळंच होतं. ३२ वर्षांच्या हरिकेश यांचा रेल्वे प्रवासादरम्यान मृत्यू झाला. डावर स्टेशनजवळ रुळांवर काम सुरू होतं. सकाळी ९ वाजता काम सुरू होणं अपेक्षित होतं. मात्र ते २५ मिनिटं आधीच सुरू झालं. त्याचवेळी तिथून निलांचल एक्स्प्रेस जाऊ लागली. रुळांशेजारी असणारी ५ फुटांची सळई अचानक हवेत उडाली. खिडकीची काच फोडून हरिकेश यांच्या गळ्यातून आरपार गेली.
'You Are So...'; नीटची तयारी करणाऱ्या तरुणीला मेसेज; मेडिकलमधून परतताच धक्का बसला
हरिकेश यांनी खिशात हात घातला होता. तो हात बाहेर काढण्याआधीच खिडकी फोडून आत आलेली सळई त्यांच्या मानेतून आरपार गेली होती. अवघ्या काही क्षणांमध्ये हा संपूर्ण प्रकार घडला. झालेली घटना पाहून आसपासच्या प्रवाशांना धक्का बसला. जनरल डब्याच्या सीट नंबर १५ वर हरिकेश यांचा निष्प्राण देह होता. त्यांच्या आसनाजवळ रक्त सांडलं होतं.