नवी दिल्ली: माजी क्रिकेटपटू मनोज प्रभाकर, त्यांची पत्नी फरहीन प्रभाकर, मुलगा, सहकारी संजीव गोयल आणि दोन अज्ञात इसमांवर फसवणुकीचा गुन्हा दाखल करण्यात आला आहे. फसवणूक करणे आणि षडयंत्र रचण्याचा प्रयत्न केल्याचा गुन्हा या सर्वांवर दाखल करण्यात आला आहे.
लंडनमध्ये राहणाऱ्या एका बुजुर्ग महिलेचा फ्लॅट बळकावण्याचा आणि तिला धमकी दिल्याचा आरोप मनोज प्रभाकर आणि अन्य लोकांवर करण्यात आला आहे. संध्या शर्मा पंडित असं या महिलेचं नाव आहे. नवी दिल्लीच्या सर्वप्रिया विहार येथे एका अपार्टमेंटमध्ये या महिलेचं दुसऱ्या मजल्यावर घर आहे. या अपार्टमेंटच्या पहिल्या मजल्यावर मनोज प्रभाकरही राहतात.
प्रभाकर यांच्यावरील आरोपानुसार बनावट कागदपत्रे तयार करून या महिलेच्या घराचे कुलूप तोडण्यात आले. त्यानंतर एका ओळखीच्या व्यक्तिला हा फ्लॅट राहण्यासाठी देण्यात आला. या दरम्यान, लंडनमध्ये राहणाऱ्या या महिलेच्या सामानाची चोरीही करण्यात आली. याप्रकरणी मालवीय नगर पोलीस ठाण्यात गुन्हा दाखल करण्यात आला आहे. महिलेला धमकावल्याचा आणि तिच्याकडे दीड कोटींची मागणी केल्याचा प्रभाकर यांच्यावर आरोप करण्यात आला आहे. याप्रकरणी सदर महिलेने पोलीस आयुक्त अमूल्य पटनायक यांच्याकडे धाव घेतल्यानंतर प्रभाकर यांच्याविरोधात फसवणुकीचा गुन्हा दाखल करण्यात आला आहे.
>> संध्या शर्मा पंडित या महिलेच्या म्हणण्यानुसार १९९५मध्ये तिच्या पतीने मालवीय नगरातील सर्वप्रिया विहारमध्ये एका अपार्टमेंटमधील दुसऱ्या मजल्यावर विनोद सलुजा नावाच्या बिल्डरकडून फ्लॅट खरेदी केला होता. या फ्लॅटमध्ये किंमती सामानही होतं. या फ्लॅटमध्ये संध्या या २००६ पर्यंत राहिल्या. त्यानंतर त्या लंडनला गेल्या. त्यानंतर २०१८पर्यंत या महिलेचा दीर आणि त्यांचे जवळचे मित्र या फ्लॅटमध्ये राहिले. मात्र, त्यानंतर हा फ्लॅट खालीच होता.
>> याच इमारतीत पहिल्या मजल्यावर मनोज प्रभाकर राहतात. विशेष म्हणजे सर्व फ्लॅटमध्ये जाण्यासाठी या इमारतीत एकच कॉमन रस्ता आहे. काही महिन्यापूर्वीच या महिलेला तिच्या फ्लॅटमध्ये कोणीतरी राहत असल्याचं समजलं. फ्लॅटचा लॉक तोडून बाहेरचे दरवाजे बदलण्यात आल्याचंही या महिलेला समजलं. त्यामुळे सप्टेंबर महिन्यात ही महिला लंडनहून दिल्लीला आली. तेव्हा तिला घरात घुसू दिलं नाही. या घरात असलेल्या भाडेकरुने त्याला मनोज प्रभाकरने रूम भाड्याने दिल्याचं सांगितलं. बऱ्याच प्रयत्नानंतर या महिलेने मनोज प्रभाकर आणि त्यांच्या पत्नीशी संपर्क साधला, तेव्हा ही प्रॉपर्टी आपली असल्याचं प्रभाकर यांनी या महिलेला सांगितलं.
प्रभाकर महिला प्रशिक्षकपदाच्या शर्यतीत
लंडनमध्ये राहणाऱ्या एका बुजुर्ग महिलेचा फ्लॅट बळकावण्याचा आणि तिला धमकी दिल्याचा आरोप मनोज प्रभाकर आणि अन्य लोकांवर करण्यात आला आहे. संध्या शर्मा पंडित असं या महिलेचं नाव आहे. नवी दिल्लीच्या सर्वप्रिया विहार येथे एका अपार्टमेंटमध्ये या महिलेचं दुसऱ्या मजल्यावर घर आहे. या अपार्टमेंटच्या पहिल्या मजल्यावर मनोज प्रभाकरही राहतात.
प्रभाकर यांच्यावरील आरोपानुसार बनावट कागदपत्रे तयार करून या महिलेच्या घराचे कुलूप तोडण्यात आले. त्यानंतर एका ओळखीच्या व्यक्तिला हा फ्लॅट राहण्यासाठी देण्यात आला. या दरम्यान, लंडनमध्ये राहणाऱ्या या महिलेच्या सामानाची चोरीही करण्यात आली. याप्रकरणी मालवीय नगर पोलीस ठाण्यात गुन्हा दाखल करण्यात आला आहे. महिलेला धमकावल्याचा आणि तिच्याकडे दीड कोटींची मागणी केल्याचा प्रभाकर यांच्यावर आरोप करण्यात आला आहे. याप्रकरणी सदर महिलेने पोलीस आयुक्त अमूल्य पटनायक यांच्याकडे धाव घेतल्यानंतर प्रभाकर यांच्याविरोधात फसवणुकीचा गुन्हा दाखल करण्यात आला आहे.
>> संध्या शर्मा पंडित या महिलेच्या म्हणण्यानुसार १९९५मध्ये तिच्या पतीने मालवीय नगरातील सर्वप्रिया विहारमध्ये एका अपार्टमेंटमधील दुसऱ्या मजल्यावर विनोद सलुजा नावाच्या बिल्डरकडून फ्लॅट खरेदी केला होता. या फ्लॅटमध्ये किंमती सामानही होतं. या फ्लॅटमध्ये संध्या या २००६ पर्यंत राहिल्या. त्यानंतर त्या लंडनला गेल्या. त्यानंतर २०१८पर्यंत या महिलेचा दीर आणि त्यांचे जवळचे मित्र या फ्लॅटमध्ये राहिले. मात्र, त्यानंतर हा फ्लॅट खालीच होता.
>> याच इमारतीत पहिल्या मजल्यावर मनोज प्रभाकर राहतात. विशेष म्हणजे सर्व फ्लॅटमध्ये जाण्यासाठी या इमारतीत एकच कॉमन रस्ता आहे. काही महिन्यापूर्वीच या महिलेला तिच्या फ्लॅटमध्ये कोणीतरी राहत असल्याचं समजलं. फ्लॅटचा लॉक तोडून बाहेरचे दरवाजे बदलण्यात आल्याचंही या महिलेला समजलं. त्यामुळे सप्टेंबर महिन्यात ही महिला लंडनहून दिल्लीला आली. तेव्हा तिला घरात घुसू दिलं नाही. या घरात असलेल्या भाडेकरुने त्याला मनोज प्रभाकरने रूम भाड्याने दिल्याचं सांगितलं. बऱ्याच प्रयत्नानंतर या महिलेने मनोज प्रभाकर आणि त्यांच्या पत्नीशी संपर्क साधला, तेव्हा ही प्रॉपर्टी आपली असल्याचं प्रभाकर यांनी या महिलेला सांगितलं.
प्रभाकर महिला प्रशिक्षकपदाच्या शर्यतीत