नेहा अलावधी । नवी दिल्ली
विनायक दामोदर सावरकर यांच्याबाबत काँग्रेसच्या अधिकृत ट्विटर हँडलवरून करण्यात आलेल्या आक्षेपार्ह ट्विटबद्दल काँग्रेस पक्ष तसेच अध्यक्षा सोनिया गांधी आणि उपाध्यक्ष राहुल गांधी यांना सावरकर यांचे पणतू रणजीत सावरकर यांनी नोटीस बजावली आहे. 'ट्विट'वर आक्षेप घेऊन एखाद्या राजकीय पक्षाला नोटीस बजावण्याची ही बहुदा पहिलीच वेळ आहे.
मार्च महिन्यात काँग्रेस पक्षाच्या @INCIndia या अधिकृत ट्विटर हँडलवरून करण्यात आलेल्या काही ट्विट्समधून वीर सावरकरांचा अवमान झाल्याचा रणजीत सावरकर यांचा आरोप आहे. त्यामुळेच १६ जून रोजी त्यांनी याप्रकरणी कायदेशीर नोटीस बजावली आहे. याबाबत सावरकर कुटुंबीयांचे वकील हितेश जैन म्हणाले की, काँग्रेसच्या ट्विटर हँडलवरून सावरकरांचा 'गद्दार' असा उल्लेख करण्यात आला होता. त्यामुळेच आम्ही काँग्रेस पक्ष, सोनिया गांधी आणि राहुल गांधी यांना मानहानीची नोटीस बजावली आहे.
@INCIndia या ट्विटर हँडलवरून ५, २२ आणि २३ मार्च रोजी सावरकरांबाबत आक्षेपार्ह ट्विट्स करण्यात आले होते. या सर्व ट्विट्सचा तपशील या नोटीसमध्ये देण्यात आला आहे. भगत सिंग यांच्या पुण्यतिथीला २३ मार्च रोजी करण्यात आलेल्या एका ट्विटवर विशेष आक्षेप घेण्यात आला आहे. 'भगत सिंग यांनी स्वातंत्र्यासाठी ब्रिटिश राजवटीविरोधात युद्ध पुकारले तर विनायक दामोदर सावरकर यांनी मात्र दयेची भीक मागितली. गुलाम बनून राहण्यात धन्यता मानली', असा उल्लेख या ट्विटमध्ये आहे. त्यावर आक्षेप घेत काँग्रेस पक्ष आणि त्याच्या नेत्यांनी एका इमानदार, शूरवीर आणि राष्ट्रवादी व्यक्तिमत्वाचा अवमान केला आहे, असे नोटिशीत नमूद करण्यात आले आहे.
काँग्रेस पक्ष आणि पक्षाच्या नेत्यांनी नोटीस मिळाल्यापासून ४८ तासांच्या आत याच ट्विटर हँडलवरून वीर सावरकर आणि त्यांच्या कुटुंबीयांची बिनशर्त माफी मागावी, अशी मागणीही नोटिशीत करण्यात आली आहे.
दरम्यान, याबाबत ई-मेलद्वारे काँग्रेसची प्रतिक्रिया मिळवण्याचा प्रयत्न केला असता कोणतीही प्रतिक्रिया मिळू शकली नाही.
विनायक दामोदर सावरकर यांच्याबाबत काँग्रेसच्या अधिकृत ट्विटर हँडलवरून करण्यात आलेल्या आक्षेपार्ह ट्विटबद्दल काँग्रेस पक्ष तसेच अध्यक्षा सोनिया गांधी आणि उपाध्यक्ष राहुल गांधी यांना सावरकर यांचे पणतू रणजीत सावरकर यांनी नोटीस बजावली आहे. 'ट्विट'वर आक्षेप घेऊन एखाद्या राजकीय पक्षाला नोटीस बजावण्याची ही बहुदा पहिलीच वेळ आहे.
मार्च महिन्यात काँग्रेस पक्षाच्या @INCIndia या अधिकृत ट्विटर हँडलवरून करण्यात आलेल्या काही ट्विट्समधून वीर सावरकरांचा अवमान झाल्याचा रणजीत सावरकर यांचा आरोप आहे. त्यामुळेच १६ जून रोजी त्यांनी याप्रकरणी कायदेशीर नोटीस बजावली आहे. याबाबत सावरकर कुटुंबीयांचे वकील हितेश जैन म्हणाले की, काँग्रेसच्या ट्विटर हँडलवरून सावरकरांचा 'गद्दार' असा उल्लेख करण्यात आला होता. त्यामुळेच आम्ही काँग्रेस पक्ष, सोनिया गांधी आणि राहुल गांधी यांना मानहानीची नोटीस बजावली आहे.
@INCIndia या ट्विटर हँडलवरून ५, २२ आणि २३ मार्च रोजी सावरकरांबाबत आक्षेपार्ह ट्विट्स करण्यात आले होते. या सर्व ट्विट्सचा तपशील या नोटीसमध्ये देण्यात आला आहे. भगत सिंग यांच्या पुण्यतिथीला २३ मार्च रोजी करण्यात आलेल्या एका ट्विटवर विशेष आक्षेप घेण्यात आला आहे. 'भगत सिंग यांनी स्वातंत्र्यासाठी ब्रिटिश राजवटीविरोधात युद्ध पुकारले तर विनायक दामोदर सावरकर यांनी मात्र दयेची भीक मागितली. गुलाम बनून राहण्यात धन्यता मानली', असा उल्लेख या ट्विटमध्ये आहे. त्यावर आक्षेप घेत काँग्रेस पक्ष आणि त्याच्या नेत्यांनी एका इमानदार, शूरवीर आणि राष्ट्रवादी व्यक्तिमत्वाचा अवमान केला आहे, असे नोटिशीत नमूद करण्यात आले आहे.
काँग्रेस पक्ष आणि पक्षाच्या नेत्यांनी नोटीस मिळाल्यापासून ४८ तासांच्या आत याच ट्विटर हँडलवरून वीर सावरकर आणि त्यांच्या कुटुंबीयांची बिनशर्त माफी मागावी, अशी मागणीही नोटिशीत करण्यात आली आहे.
दरम्यान, याबाबत ई-मेलद्वारे काँग्रेसची प्रतिक्रिया मिळवण्याचा प्रयत्न केला असता कोणतीही प्रतिक्रिया मिळू शकली नाही.