सोनिया गांधींनंतर आता गांधी कुटुंबातील आणखी एका व्यक्तीला करोनाची लागण

नवी दिल्ली: प्रियांका गांधी यांना करोनाची लागण झाली आहे. दोनच दिवसांपूर्वी काँग्रेस अध्यक्ष सोनिया गांधी यांना करोनाची लागण झाली होती. काँग्रेसच्या महासचिव प्रियांका गांधी कालच लखनौहून दिल्लीला आल्या होत्या. त्या लखनौ येथे नव संपकल्प चिंतन शिबिरासाठी गेल्या होत्या.


वाचा- मुंबई, पुणे, चेन्नईत वेगाने पसरतोय करोना; तज्ज्ञ काय म्हणतात एकदा वाचाच

प्रियांका गांधी यांनी स्वत: ट्विट करून करोना झाल्याची माहिती दिली आहे. करोना प्रोटोकॉलचा विचार करून मी स्वत: घरात क्वारंटाइन करून घेतले आहे. जे लोक माझ्या संपर्कात आले असतील त्यांनी स्वत:ची काळजी घ्यावी, असे ट्विट प्रियांका गांधी यांनी केले आहे. गुरुवारी सोनिया गांधी यांना करोनाची लागण झाल्याचे वृत्त समोर आले होते. काँग्रेसचे नेते रणदीप सुरजेवाला यांनी ही माहिती दिली होती. सोनिया गांधी यांनी केल्या काही दिवसात अनेक नेत्यांची आणि कार्यकर्त्यांची भेट घेतली होती. सोनिया गांधी यांना बुधवारी रात्री ताप आला होता. त्यानंतर करण्यात आलेल्या करोना चाचणीचा रिपोर्ट पॉझिटिव्ह आला.

वाचा- मुंबई, पुणे, चेन्नईत वेगाने पसरतोय करोना; तज्ज्ञ काय म्हणतात एकदा वाचाच

सोनिया गांधींनी स्वत:ला आयसोलेट करून घेतले आहे. त्या ८ जूनच्या आधी ठीक होतील असे देखील सुरजेवाला यांनी सांगितले. नॅशनल हेराल्ड प्रकरणी ईडीने सोनिया गांधी आणि राहुल गांधी यांना समन्स पाठवले असून चौकशीसाठी ८ जून रोजी कार्यालयात बोलवले आहे. ईडीने चौकशीसाठी बोलवल्यानंतर दुसऱ्या दिवशी सोनिया गांधी यांना करोनाची लागण झाल्याचे समोर आले होते.

वाचा- जाणून घ्या कोण आहे गेरार्ड पिक; शकीराने महिलेसोबत रंगेहात पकडले आणि...