आईनंतर आता माझ्या वडिलांनाही मध्ये खेचतेय काँग्रेस: PM मोदी

विदिशा :

मध्य प्रदेशातील विदिशा येथे झालेल्या जाहीर सभेत पंतप्रधान नरेंद्र मोदी यांनी काँग्रेसवर पलटवार केला आहे. ते म्हणाले, 'माझ्या आईबद्दल अपशब्द काढून काँग्रेसला काही फायदा झाला नाही तर आता माझ्या वडीलांना काँग्रेस मध्ये आणत आहे. मी कोणत्या परिवाराविरोधात नाही तर काँग्रेसच्या माजी नेत्यांबद्दल बोललो होतो.'

काँग्रेस नेता विलास मुत्तेमवार यांचं एक वादग्रस्त विधान सोशल मिडीयावर व्हायरल झालं आहे. त्यात मुत्तेमवार यांनी मोदींच्या वडिलांवषयी टिप्पणी केली आहे. त्याल प्रत्युत्तर देत मोदी म्हणाले, 'माझे वडील ३० वर्षांपूर्वी जग सोडून गेले. माझ्या कुटुंबाच्या १०० पिढ्यांमध्ये कोणाचा राजकारणाशी संबंध नव्हता. एका लहानशा गावात गरीब परिवारात ते आयुष्य जगत होते. कशाला त्यांना ओढता? काँग्रेसचे नेते म्हणतात की मोदीजी पण माझ्या कुटुंबाला बोलतात. पण मी कुटुंबातल्या कोणत्याही व्यक्तीला बोलत नाही. मी माजी पंतप्रधानांबाबत वक्तव्य केलं होतं.'

मोदींच्या वडिलांबद्दल वक्तव्य केल्यानं मुत्तेमवार वादात

काँग्रेस पक्षाने जनतेतला विश्वास गमावला आहे म्हणून आता नेते शिव्यांवर उतरले आहेत. आधी चोरीचा आरोप करत होते, आता तर शर्थ केली, असंही मोदी म्हणाले.