म. टा. विशेष प्रतिनिधी, नवी दिल्ली
मोदी सरकारने जाहीर केलेली नोटाबंदी तसेच पंतप्रधान नरेंद्र मोदी यांच्यावरील भ्रष्टाचाराच्या आरोपाच्या मुद्यावरून सत्ताधारी भाजपला घेरण्यासाठी आज, मंगळवारी काँग्रेस अध्यक्ष सोनिया गांधी आणि पश्चिम बंगालच्या मुख्यमंत्री ममता बॅनर्जी यांच्या पुढाकाराने विरोधी पक्षांची संयुक्त बैठक होत आहे. मात्र, सप, बसप, जदयू आणि डाव्या पक्षांनी वेगवेगळ्या कारणांमुळे या बैठकीकडे पाठ फिरविण्याचे ठरविले आहे.
मंगळवारी सोनिया यांच्या अध्यक्षतेखाली आणि ममता यांच्या उपस्थितीत होणाऱ्या या बैठकीत काँग्रेस, तृणमूल, राजद, द्रमुक, एआययूडीएफ, आरएसपी, केरळ काँग्रेस (मणी) आणि जनता दल सेक्युलरचे नेते सहभागी होणार आहेत. या बैठकीत सोनिया आणि ममता यांच्याव्यतिरिक्त राहुल गांधी, मनमोहन सिंग, गुलामनबी आझाद, मल्लिकार्जुन खरगे, तृणमूलचे डेरेक ओब्रायन, राजदचे जयप्रकाश नारायण यादव, राष्ट्रवादीचे डी. पी. त्रिपाठी, द्रमुकचे तिरुची शिवा आदी नेते उपस्थित राहण्याची शक्यता आहे.
मात्र, बसप, सप, जदयू आणि डाव्या आघाडीने या बैठकीत भाग न घेण्याचे ठरविले आहे. उत्तर प्रदेशातील निवडणुकीमुळे सप आणि बसपच्या प्रतिनिधींना या बैठकीत सामील व्हायचे नाही, तर काँग्रेस आणि तृणमूल यांच्यातील जवळीक वाढल्यामुळे डावे नेते नाराज आहेत. प.बंगालच्या मुख्यमंत्री सहभागी होत असतील, तर बिहारचे मुख्यमंत्री का हजर राहू शकत नाही, असा सवाल माकपचे सरचिटणीस सीताराम येचुरी यांनी केला. या बैठकीविषयी काँग्रेसच्या नेत्यांनी बिहारचे मुख्यमंत्री नितीशकुमार यांच्याशीही संपर्क साधला नसल्याने जदयूनेही बैठकीला न जाण्याचे ठरविले आहे. ममता यांना काँग्रेस विशेष महत्त्व देत असल्याने नितीशकुमारही नाराज झाल्याचे समजते.
सोनिया यांचा पुढाकार
या बैठकीत कोण भाग घेणार हे बैठकीनंतरच स्पष्ट होईल. त्याची माहिती आताच देता येणार नाही, असे काँग्रेसचे प्रवक्ते जयराम रमेश म्हणाले. २००४च्या लोकसभा निवडणुकीपूर्वी सोनिया गांधी यांनी पुढाकार घेऊन सर्व विरोधी पक्षांना भाजप सरकारविरुद्ध एकत्र करण्यात यश मिळविले होते. त्यानंतर प्रथमच सोनियांच्या पुढाकाराने ही मोदी सरकारविरुद्ध मोर्चेबांधणी करण्यासाठी बैठक होत आहे.
मोदी घेणार आज आढावा
नोटाबंदीनंतर निर्माण झालेल्या रोकडटंचाईच्या पार्श्वभूमीवर पंतप्रधान मोदी हे मंगळवारी नीती आयोगामध्ये तज्ज्ञांसह परिस्थितीचा आढावा घेणार असून विकासाचा वेग वाढवण्यासाठीच्या मार्गांबद्दल चर्चा करणार आहेत. ‘आर्थिक धोरण सुधारणा- भविष्यातील मार्ग’ या विषयावर ही बैठक होणार आहे. रिझर्व्ह बँकेसह विविध यंत्रणांनी आर्थिक वर्षातील सध्याच्या तिमाहीमधील विकासदर घटण्याचा अंदाज व्यक्त केला असल्याने या बैठकीला महत्त्व आले आहे.
मोदी सरकारने जाहीर केलेली नोटाबंदी तसेच पंतप्रधान नरेंद्र मोदी यांच्यावरील भ्रष्टाचाराच्या आरोपाच्या मुद्यावरून सत्ताधारी भाजपला घेरण्यासाठी आज, मंगळवारी काँग्रेस अध्यक्ष सोनिया गांधी आणि पश्चिम बंगालच्या मुख्यमंत्री ममता बॅनर्जी यांच्या पुढाकाराने विरोधी पक्षांची संयुक्त बैठक होत आहे. मात्र, सप, बसप, जदयू आणि डाव्या पक्षांनी वेगवेगळ्या कारणांमुळे या बैठकीकडे पाठ फिरविण्याचे ठरविले आहे.
मंगळवारी सोनिया यांच्या अध्यक्षतेखाली आणि ममता यांच्या उपस्थितीत होणाऱ्या या बैठकीत काँग्रेस, तृणमूल, राजद, द्रमुक, एआययूडीएफ, आरएसपी, केरळ काँग्रेस (मणी) आणि जनता दल सेक्युलरचे नेते सहभागी होणार आहेत. या बैठकीत सोनिया आणि ममता यांच्याव्यतिरिक्त राहुल गांधी, मनमोहन सिंग, गुलामनबी आझाद, मल्लिकार्जुन खरगे, तृणमूलचे डेरेक ओब्रायन, राजदचे जयप्रकाश नारायण यादव, राष्ट्रवादीचे डी. पी. त्रिपाठी, द्रमुकचे तिरुची शिवा आदी नेते उपस्थित राहण्याची शक्यता आहे.
मात्र, बसप, सप, जदयू आणि डाव्या आघाडीने या बैठकीत भाग न घेण्याचे ठरविले आहे. उत्तर प्रदेशातील निवडणुकीमुळे सप आणि बसपच्या प्रतिनिधींना या बैठकीत सामील व्हायचे नाही, तर काँग्रेस आणि तृणमूल यांच्यातील जवळीक वाढल्यामुळे डावे नेते नाराज आहेत. प.बंगालच्या मुख्यमंत्री सहभागी होत असतील, तर बिहारचे मुख्यमंत्री का हजर राहू शकत नाही, असा सवाल माकपचे सरचिटणीस सीताराम येचुरी यांनी केला. या बैठकीविषयी काँग्रेसच्या नेत्यांनी बिहारचे मुख्यमंत्री नितीशकुमार यांच्याशीही संपर्क साधला नसल्याने जदयूनेही बैठकीला न जाण्याचे ठरविले आहे. ममता यांना काँग्रेस विशेष महत्त्व देत असल्याने नितीशकुमारही नाराज झाल्याचे समजते.
सोनिया यांचा पुढाकार
या बैठकीत कोण भाग घेणार हे बैठकीनंतरच स्पष्ट होईल. त्याची माहिती आताच देता येणार नाही, असे काँग्रेसचे प्रवक्ते जयराम रमेश म्हणाले. २००४च्या लोकसभा निवडणुकीपूर्वी सोनिया गांधी यांनी पुढाकार घेऊन सर्व विरोधी पक्षांना भाजप सरकारविरुद्ध एकत्र करण्यात यश मिळविले होते. त्यानंतर प्रथमच सोनियांच्या पुढाकाराने ही मोदी सरकारविरुद्ध मोर्चेबांधणी करण्यासाठी बैठक होत आहे.
मोदी घेणार आज आढावा
नोटाबंदीनंतर निर्माण झालेल्या रोकडटंचाईच्या पार्श्वभूमीवर पंतप्रधान मोदी हे मंगळवारी नीती आयोगामध्ये तज्ज्ञांसह परिस्थितीचा आढावा घेणार असून विकासाचा वेग वाढवण्यासाठीच्या मार्गांबद्दल चर्चा करणार आहेत. ‘आर्थिक धोरण सुधारणा- भविष्यातील मार्ग’ या विषयावर ही बैठक होणार आहे. रिझर्व्ह बँकेसह विविध यंत्रणांनी आर्थिक वर्षातील सध्याच्या तिमाहीमधील विकासदर घटण्याचा अंदाज व्यक्त केला असल्याने या बैठकीला महत्त्व आले आहे.