पाहा: राहुल गांधी आदिवासींसोबत नाचले

मटा ऑनलाइन वृत्त । अहमदाबाद

काँग्रेस उपाध्यक्ष राहुल गांधी सध्या गुजरात विधानसभा निवडणुकीच्या प्रचार दौऱ्यावर आहेत. प्रतिष्ठेच्या या निवडणुकीच्या प्रचारात आतापर्यंत त्यांचं आक्रमक रुप पाहायला मिळालं आहे. भाजपवर सडकून टीका करणाऱ्या राहुल यांचं मंगळवारी मात्र वेगळंच रुप पाहायला मिळालं. प्रचार दौऱ्यादरम्यान ते एका सांस्कृतिक कार्यक्रमात सहभागी झाले होते. यात त्यांनी आदिवासींसोबत नृत्यही केलं.
Our VP enjoys a lighthearted moment with the artistes in the midst of an eventful Navsarjan Yatra. @ashokgehlot51 @BharatSolankee pic.twitter.com/Lvt1juUJFq — Congress (@INCIndia) October 10, 2017
आदिवासींनी आयोजित केलेल्या कार्यक्रमात राहुल गांधी यांच्यासमवेत काँग्रेसचे वरिष्ठ नेते अशोक गेहलोतही उपस्थित होते. गेहलोत यांनीही राहुल गांधींसोबत नृत्य केलं. राहुल यांच्या या नृत्याविष्काराचा व्हिडिओ काँग्रेसनं आपल्या अधिकृत ट्विटल हँडलवर शेअर केला आहे. राहुल यांनीही आदिवासींसोबत केलेल्या नृत्याची काही छायाचित्रे ट्विट केली आहेत. "आदिवासी संस्कृती भारतीय सभ्यतेचा पाया आहे. त्यांच्याकडून खूपच शिकण्यासारखं आहे. आदिवासी कलाकारांसोबत काही क्षण", असं त्यांनी ट्विटमध्ये म्हटलं आहे. आदिवासी संस्कृति भारतीय सभ्यता की नींव है। हमें इनसे बहुत कुछ सीखना है। आदिवासी कलाकारों के साथ कुछ पल pic.twitter.com/cEW5EZKGpD — Office of RG (@OfficeOfRG) October 10, 2017