Coronavirus Death Toll: मरकझमधील ९ हजार लोकांची ओळख पटली- लव अग्रवाल

देशभरात करोनाची लागण झालेल्या रुग्णांची संख्या जलदगतीने वाढत असल्याचे स्पष्ट होत आहे. आतापर्यंत देशभरात करोना रुग्णांचा आकडा १९०० वर पोहोचला असून मृतांचा आकडा ५५ वर पोहोचला आहे. देशभरातील लॉकडाऊनचा आजचा ९ वा दिवस असून आज देशभरात करोनाबाबत काय स्थिती आहे याबाबतचे हे लाइव्ह अपडेट्स....

अपडेट्स...

>> मुंबईतील धारावीतील ३०० घरं सील करण्यात आली आहेत- लव अग्रवाल.

>> गेल्या २४ तासांमध्ये करोनाच्या एकूण १२ रुग्णांचा मृत्यू झाला आहे- लव अग्रवाल.

>> गेल्या २४ तासांमध्ये एकूण ३२८ नवे रुग्ण आढळले असून एकूण रुग्णांची संख्या १९६५ इतकी झाली आहे, तर आतापर्यंत ५० रुग्णांचा मृत्यू झाला असून १५१ लोक बरे झाले आहेत- लव अग्रवाल.

>> दिल्लीतील निझामुद्दीन येथे मरकझला गेलेल्या ९ हजार लोकांची ओळख पटली आहे- लव अग्रवाल, संयुक्त सचिव, केंद्रीय आरोग्य मंत्रालय.

>> राजस्थानात करोनाचे ११ रुग्ण आढळले, एकूण रुग्णांची संख्या १३१ वर

>> महाराष्ट्रातील एकूण १४०० लोक तबलीघी जमातीच्या मरकझमध्ये सगभागी झाले होते. यांपैकी १३०० लोकांचा शोध लागला आहे. त्यांना क्वारंटीन करण्यात आले आहे- आरोग्य मंत्री राजेश टोपे यांची माहिती.

>> हरयाणा राज्यात करोनाचे ३३ रुग्ण.

>> राष्ट्रपती रामनाथ कोविंद आणि उपराष्ट्रपती व्यंकय्या नायडू उद्या व्हिडिओ कॉन्फरन्सिंगद्वारे देशभरातील राज्यपालांशी साधणार संवाद.


>> सर्व तबलीघींनी पुढे येऊन प्रशासनाला माहिती द्यावी, सरकारच्या नियमांचे पालन करावे- तबलीघी जमातीचे नेते मुहम्मद साद यांचे तबलीघींना आवाहन.

>> पाहा, देशभरातील करोनाची स्थिती...


>> करोनाशी आपण एकजुटीने लढू- पंतप्रधान नरेंद्र मोदी.

>> देशात लॉकडाऊनचा निर्णय योग्य, मात्र अंमलबजावणी योग्य प्रकारे केली गेली नाही- सोनिया गांधी यांचे टीकास्त्र.

>> काँग्रेसच्या हंगामी अध्यक्षा सोनिया गांधी यांनी व्हिडिओ कॉन्फरन्सिंगद्वारे घेतली काँग्रेस वर्किंग कमिटीची बैठक.


>> पंतप्रधान नरेंद्र मोदी यांनी व्हिडिओ कॉन्फरन्सिंगद्वारे मुख्यमंत्री उद्धव ठाकरे आणि यूपीचे मुख्यमंत्री योगी आदित्यनाथ यांच्याशी केली चर्चा.


>> राजस्थान: अलवर येथे एका ८५ वर्षीय वृद्धाचा करोनामुळे मृत्यू.

>> पंतप्रधान नरेंद्र मोदी यांचा राज्यांमधील मुख्यमंत्र्यांशी व्हिडिओ कॉन्फरन्सिंगद्वारे संवाद सुरू.

>> तामिळनाडू: रामेश्वरम येथे १७ जण दिल्लीच्या तबलीघी जमात मरकझमधून परतले होते. त्यांपैकी दोघांना करोनाची लागण झाल्याचे स्पष्ट.


>> पंतप्रधान नरेंद्र मोदी आज सकाळी अकरा वाजता राज्यांमधील मुख्यमंत्र्यांशी साधणार व्हिडिओ कॉन्फरन्सिंगद्वारे संवाद.

>> मणिपूर: तबलीघी जमात मरकझमधून आलेल्या एकाला करोनाला लागण, राज्यात रुग्णांचा आकडा २ वर.


>> आग्रा येथे तबलीघी जमातीच्या मरकझमधून आलेले १०४ लोक सापडले, सर्वांना क्वारंटीन करण्यात आले आहे.

>> राजस्थानात ९ नवे करोनाग्रस्त आढळले, रुग्णांची संख्या १२९.

>> अमृतसर: सुवर्ण मंदिराचे माजी हजुरी रागी ज्ञानी निर्मल सिंह यांचे करोनामुळे निधन... त्यांना दम्याचा त्रासही होता.


>> महाराष्ट्रात देशातील राज्यांच्या तुलनेत सर्वाधिक लोकांना करोनाची लागण झाली आहे. महाराष्ट्रात रुग्णांची संख्या ३३५ वर. महाराष्ट्रात एकूण मृतांचा आकडा १६ वर.

>> दिल्लीतील निझामुद्दीनमधील तबलीघी जमातीच्या मरकझमध्ये सहभागी झालेल्या एकूण ९३ जणांना करोनाची लागण झाल्याचे स्पष्ट.

>> देशभरात करोनाग्रस्तांची संख्या १९०० वर पोहोचली आहे. तर करोनामुळे आतापर्यंत ५५ लोकांचा मृत्यू झाला आहे.

>> पंतप्रधान नरेंद्र मोदी यांनी पुकारलेल्या देशव्यापी लॉकडाऊनचा आज नववा दिवस आहे.

>> पंतप्रधान नरेंद्र मोदी आणि महाराष्ट्राचे मुख्यमंत्री उद्धव ठाकरे यांनी फोनवर करोनाबाबत चर्चा केली. आज पंतप्रधान नरेंद्र मोदी देशभरातील मुख्यमंत्र्यांशी व्हिडिओ कॉन्फरन्सिंगद्वारे साधणार संवाद.