​राजधानी दिल्लीत करोनाची तिसरी लाट? ५ हजार नीवन रुग्ण आढळले​

नवी दिल्ली: सणासुदीच्या काळात राजधानी दिल्लीत करोना संसर्गाची तिसरी लाट येतेय? रुग्णांची आकडेवारी सध्या लक्ष वेधून घेत आहे. दिल्लीत बुधवारी पहिल्यांदाच एका दिवसात संसर्गाचे ५ हजाराहूनही अधिक रुग्ण आढळून आले. दिल्ली, केरळ आणि पश्चिम बंगालमध्ये करोना संसर्ग तिसर्‍यांदा टिपेला जात आहे, असं निती आयोगाचे सदस्य व्ही. के. पॉल यांनी मंगळवारीच सांगितलं होतं.

दिल्लीत या महिन्यात दुसरा लाट येऊन गेल्याचा दावा

दिल्लीत जुलैमध्ये करोनाचे नवीन रुग्ण आढळून येण्याचे प्रमाण कमी होऊ लागले होते. अॅक्टिव्ह रुग्णांची संख्या १० हजारांच्या खाली गेली होती. त्यानंतर करोना संक्रमणाची दुसरी लाट सुरू झाली. या महिन्याच्या सुरुवातीस दिल्लीचे मुख्यमंत्री अरविंद केजरीवाल यांनी असा दावा केला होता. दिल्लीत करोनाची दुसरी लाट येऊन गेल्याचं गेली आहे. पण आता गेल्या काही दिवसांपासून अचानक नवीन प्रकरणांमध्ये होणारी वाढ ही चिंता वाढवणार आहे. अद्याप अधिकृतपणे काहीही सांगितलं गेलं नाही. पण दिल्लीत करोना संसर्गाची तिसरी लाट सुरू झाली आहे, असं अलिकडील आकडेवारीवरून दिसून येतंय.

५,६७३ नवीन रुग्णांची नोंद, एकूण संख्या ३.७ लाखांवर

गेल्या काही दिवसांपासून दिल्लीत अचानक करोनाची रुग्णांची संख्या वाढली आहे. आरोग्य विभागाच्या बुलेटिननुसार बुधवारी राजधानीत ५६७३ नवीन घटना आढळल्या. एका दिवसात संसर्ग होण्याची ही आजपर्यंतची सर्वात जास्त संख्या आहे. यामुळे दिल्लीत करोनाच्या एकूण रुग्णांची संख्या ३.७ लाखांवर गेली आहे.

'हा प्रकार देशद्रोहाच्या गुन्ह्यासारखा, यासाठी ७ वर्षांच्या तुरुंगवासाची तरतूद'

'सीमेवर आणि चर्चेदरम्यान चीनच्या चलाखीपासून सावध राहा'

दिल्लीत मृतांची संख्या ६,३९६ इतकी झाली

दिल्लीत बुधवारी करोनाच्या ४० रुग्णांचा मृत्यू झाला. यासह, राजधानीत करोनाने आतापर्यंत मृत्यू झालेल्यांची संख्या ६,३९६ इतकी झाली आहे. बुधवारच्या आकडेवारीत ऑगस्टमध्ये झालेल्या एका मृत्यूच्या घटनेचाही समावेश केल्याचं बुलेटिनमध्ये सांगण्यात आलं.