करोना : एकाच दिवशी ९६,४२४ रुग्ण दाखल, ११७४ जणांचा मृत्यू

नवी दिल्ली : आरोग्य मंत्रालयानं दिलेल्या माहितीनुसार, भारतात शुक्रवारी सकाळपर्यंत ९६ हजार ४२४ नवीन संक्रमित रुग्ण आढळल्याची नोंद करण्यात आलीय. यानंतर देशातील एकूण संक्रमितांची संख्या ५२ लाख १४ हजार ६७७ वर गेलीय. यातील, जवळपास ८४ हजार ३७२ जणांना आपले प्राण गमवावे लागलेत. तर देशात १० लाख १७ हजार ७५४ जणांवर उपचार सुरू आहेत. आत्तापर्यंत देशात ४१ लाख १२ हजार ५५१ जणांना करोनावर मात केलीय.

संक्रमित रुग्णांच्या संख्येत वाढ झाल्यानं देशातील आरोग्य यंत्रणेवरचा ताणही वाढल्याचं दिसून येतंय. गेल्या २४ तासांत तब्बल १ हजार १७४ जणांनी आपले प्राण गमावले आहेत.

आकड्यांनुसार, कोविड १९ मुळे होणाऱ्या मृत्यूदरात घट नोंदवण्यात आलीय. देशातील मृत्यूदर १.६२ टक्क्यांवर आहे. मंत्रालयानं दिलेल्या माहितीनुसार, सुरुवातीपासून आढळलेल्या एकूण संक्रमितांच्या आकड्यापैंकी १९.५२ टक्के जणांवर उपचार सुरू आहेत.

वाचा : आता, रेल्वे प्रवाशांकडूनही वसूल केला जाणार 'युझर चार्ज'
वाचा : दुबईसाठी एअर इंडियाची उड्डाणं २ ऑक्टोबरपर्यंत निलंबित
वाचा : राज्यसभेचे भाजपचे नवनिर्वाचित खासदार अशोक गस्ती यांचे करोनाने निधन

भारतात ७ ऑगस्ट रोजी कोविड १९ रुग्णांची संख्या २० लाखांच्या पुढे गेली होती. त्यानंतर २३ ऑगस्टपर्यंत हा आकडा ३० लाखांच्या पुढे गेला. देशात ५ सप्टेंबरपर्यंत संक्रमितांची संख्या ४० लाख झाली होती. १६ सप्टेंबर हा आकडा ५० लाखांवर पोहचला होता.

भारतीय आयुर्विज्ञान संशोधन परिषद (ICMR) नं दिलेल्या माहितीनुसार, देशात १७ सप्टेंबरपर्यंत ६ कोटी १५ लाख ७२ हजार ३४३ नमुन्यांची चाचणी करण्यात आलीय. यातील १० लाख ०६ हजार ६१५ नमुन्यांची चाचणी केवळ गुरुवारी पार पडली.

वाचा : अस्तित्वावर हल्ला सहन केला जाणार नाही, नवज्योत सिंह सिद्धू
वाचा : पंतप्रधान नरेंद्र मोदींनी देशवासियांकडे मागितलं वाढदिवसाचं 'गिफ्ट'
वाचा : ‘पीएम केअर्स’मधून निधी द्या, शिवसेनेची राज्यसभेत मागणी