अ‍ॅपशहर

आरोग्यसेतू अॅपचा डेटा सुरक्षित, केंद्राचे स्पष्टीकरण

आरोग्यसेतू अॅप हे देशातील जनतेच्या सुरक्षेसाठी आहे. त्यावरील डेटाही पूर्णपणे सुरक्षित आहे. अॅपमुळे नागरिकांच्या खासगी जीवनाला कुठलाही धोका नाही, हे असं रविशंकर प्रसाद म्हणाले. आरोग्यसेतू अॅपवरील डेटा सुरक्षित नसल्याचा आरोप विरोधकांनी केला होता. त्यावर सरकारने स्पष्टीकरण दिलं आहे.

महाराष्ट्र टाइम्स.कॉम 6 May 2020, 6:18 pm
नवी दिल्लीः आरोग्यसेतू अॅपद्वारे नागरिकांच्या खासगी आयुष्यात सरकार डोकावत असल्याचा आरोप केंद्र सरकारने फेटाळून लावला आहे. आरोग्यसेतू अॅप हे नागरिकांच्या सुरक्षेसाठी आहे. अॅपवरील त्यांचा डेटाही सुरक्षित असल्याचं केंद्रीय मंत्री रविशंकर प्रसाद यांनी सांगितलं.
महाराष्ट्र टाइम्स.कॉम ravi-shankar-prasad


आरोग्यसेतू अॅपच्या माध्यमातून नागरिकांच्या खासगी जीवनाला कुठलाही धोका नाही. हे अॅप देशातील जनतेच्या सुरक्षेसाठी आहे. त्यावर डेटाही पूर्णपणे सुरक्षित आहे, असं रविशंकर प्रसाद म्हणाले. आरोग्यसेतू अॅपवरील डेटा सुरक्षित नसल्याचा आरोप विरोधकांनी केला होता. त्यावर सरकारने स्पष्टीकरण दिलं आहे.

राहुल गांधींनी उपस्थित केले होते प्रश्न

आरोग्यसेतू अॅपद्वारे नागरिकांवर पाळत ठेवली जात आहे. त्यांचं खासगी जीवन आणि डेटाची सुरक्षेबाबत चिंता निर्माण करणारी ही बाब आहे. आरोग्यसेतू हे देखरेख ठेवणारे अत्याधुनिक अॅप आहे. हे अॅप सरकारचे नसून ते एका खासगी कंपनीकडून घेण्यात आले आहे. यामुळे नागरिकांच्या डेटा सुरक्षिता धोक्यात येऊ शकते. नागरिकांच्या सहमतीशिवाय अॅपद्वारे त्यांच्यावर पाळत ठेवली जाऊ नये, असं काँग्रेसचे माजी अध्यक्ष आणि नेते राहुल गांधी म्हणाले होते.

करोनाने महाराष्ट्रात चिंताजनक स्थितीः हर्षवर्धन

पेट्रोल, डिझेलचे दर वाढवून पैसा उकळणे राष्ट्रविरोधी: काँग्रेस

सर्व सरकारी कर्मचाऱ्यांना अॅप बंधनकारक

सरकारने सर्व कर्मचाऱ्यांना आरोग्यसेतू अॅप डाऊनलोड करण्यास बंधनकारक केलं आहे. जे रुग्ण आहेत आणि त्यांच्या जवळपास राहणाऱ्यांना या अॅपद्वारे सतर्क करण्यात येतं. १ मेपासून खासगी क्षेत्रातील सर्व कर्मचाऱ्यांनाही हे अॅप वापरणं बंधनकारक आहे. केंद्रीय गृहमंत्रालयाने याचे आदेश दिले आहेत. देशात आतापर्यंत जवळपास ९ कोटी नागरिकांनी हे अॅप डाऊनलोड केलंय.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज