coronavirus : करोनाचे टेन्शन! सलग तिसऱ्या दिवशी ३ लाखांवर रुग्ण, ओमिक्रॉनची रुग्णसंख्या १० हजारांवर

नवी दिल्ली : देशातील करोनाच्या स्थितीची केंद्र सरकारने माहिती दिली आहे. गेल्या २४ तासांत करोनाच्या नवीन रुग्णांची संख्या ही ३ लाखांवर आढळून आली आहे. गेल्या २४ तासांत देशात करोनाचे ३ लाख ३७ हजार ७०४ इतके नवीन रुग्ण आढळून आले आहेत. ही संख्या शुक्रवारच्या तुलनेत ९,५५९ ने कमी आहे. तर करोनाच्या ४८८ रुग्णांचा मृत्यू झाला आहे. देशात गेल्या २४ तासांत २ लाख ४२ हजार ६७६ जण करोनातून बरे झाले आहेत.

देशात गेल्या तीन दिवसांपासून करोनाच्या नवीन रुग्णांची संख्या ३ लाखांवर आढळून येत आहे. यामुळे अॅक्टिव्ह रुग्णांची संख्याही वाढत चालली आहे. देशात करोनाच्या अॅक्टिव्ह रुग्णांची संख्या ही २१ लाख १३ हजार ३६५ वर गेली आहे. तसंच देशातील करोनाचा पॉझिटिव्हीटी दर वाढून १७.२२ टक्क्यांवर गेला आहे.

ओमिक्रॉनच्या रुग्णांची संख्या १० हजारांवर

देशातील ओमिक्रॉनच्या एकूण रुग्णांची संख्या १० हजारांवर गेली आहे. देशात ओमिक्रॉनच्या आतापर्यंत एकूण १०,०५० रुग्णांची संख्या झाली आहे. गेल्या २४ तासांत ओमिक्रॉनच्या ३.६९ टक्के रुग्णांची वाढ झाली आहे.

करोनातून बरे झाल्यावर लस कधी द्यायची? केंद्राची मार्गदर्शक सूचना जारी

Cowin Portal Data Leak: हजारो भारतीयांचा कोविनवरील डेटा लीक?; केंद्राने दिले 'हे' स्पष्टीकरण