देशात गेल्या २४ तासांत करोनाचे ४० हजारांवर नवे रुग्ण, ५२० मृत्यू

नवी दिल्लीः देशात करोना व्हायरसचा प्रादुर्भाव ( coronavirus india ) पुन्हा वाढत चाचला आहे. गेल्या २४ तासांत देशात करोनाचे ४४,६८४ नवीन रुग्ण आढळून आले आहेत. तर ५२० जणांचा करोनाने मृत्यू झाला आहे. करोनामुळे देशात आतापर्यंत १, २९, १८८ जणांचा मृत्यू झाला आहे. सध्या देशात करोनाचे ४, ८०, ७१९ अॅक्टिव्ह रुग्ण आहेत.

दिल्लीत करोनाची सर्वाधिक रुग्ण आढळून आले आहेत. गेल्या २४ तासांत राजधानीत करोनाचे ७,८०० नवीन रुग्ण आढळून आले आहेत. हरयाणामध्ये तर सुमारे २,७०० नवीन रुग्ण आढळलेत.

‘डीप फ्रिज’मुळे ‘फायझर’ची लस महाग

दिल्लीत गेल्या चोवीस तासांत करोनाच्या ९१ रुग्णांचा मृत्यू झाला आहे. यासह दिल्लीमध्ये करोनामुळे आतापर्यंत ७४२३ जणांचा मृत्यू झाला आहे. या काळात करोनाची संसर्गातून ६४९८ जण बरे झाले आहेत. आतापर्यंत दिल्लीत ४,२३,०७८ जण करोनातून बरे झाले आहेत. गेल्या २४ तासांत दिल्लीत एकूण ५६,५५३ चाचण्या घेण्यात आल्या आहेत.

पारंपरिक औषधोपचारासाठी WHO ने केली भारताची निवड; मोदी म्हणाले...

करोना व्हायरसच्या संकटाच्या पार्श्वभूमीवर रशियामध्ये तयार केलेल्या 'स्पूतनिक व्ही' लस चाचणीत प्रभावीपणे काम करत असल्याचे समोर आले आहे. लसीच्या शेवटच्या आकडेवारीनुसार ९२ टक्के ही लस प्रभावी असल्याचे दिसून आले आहे. या लससाठी भारत हा महत्त्वाचा भागीदार आहे. भारतातील या लशीचे उत्पादन कोण करणार हे निश्चित झाले आहे, अशी माहिती आरडीआयएफ या लस कंपनीचे मुख्य कार्यकारी अधिकारी किरिल दिमित्राव्ह यांनी दिली.