coronavirus : करोनाबाबत केंद्रीय आरोग्य मंत्रालयाने दिली 'पॉझिटिव्ह' बातमी

नवी दिल्लीः देशात करोनाच्या दुसऱ्या लाटेने बिकट स्थिती असताना ( coronavirus india ) आता केंद्रीय आरोग्य मंत्रालयाने दिलासा देणारी बातमी दिली आहे. देशात करोना रुग्ण बरे होण्याचा ( covid 19 recoveries ) दर हा ३ मे रोजी ८१.७ टक्के होता. तो आता वाढून ८५.६ टक्के झाला आहे. गेल्या २४ तासांत ४ लाख २२ हजार ४३६ जण करोनामुक्त झाले आहेत. ही संख्या देशात आतापर्यंतची सर्वाधिक आहे. करोनामुक्त होण्याच्या मुद्द्यावर एक सकारात्मक आणि दिलासा देणारी ही बाब आहे. यासबोतच ८ राज्यांमध्ये १ लाखाहून अधिक अॅक्टिव्ह रुग्ण आहेत. १० राज्यांमध्ये ५० हजार ते १ लाखादरम्यान अॅक्टिव्ह रुग्ण आहेत. १८ राज्यांमध्ये ५० हजारांहून कमी अॅक्टिव्ह रुग्ण आहेत. केंद्रीय आरोग्य मंत्रालयाचे ( union health ministry ) सहसचिव लव अग्रवाल यांनी ही माहिती दिली.

केरळमध्ये ९९ हजार ६५१ जण करोनामुक्त झाले. फक्त ८ राज्यांमधून आता रोज १० हजारांहून अधिक करोनाचे नवीन रुग्ण आढळून येत आहेत. तर २६ राज्यांमध्ये नवीन रुग्णांच्या तुलनेत करोनामुक्त होणाऱ्यांची संख्या अधिक आहे.

करोनाचे सर्वाधिक रुग्ण ८ राज्यांत

देशात ७ मे रोजी करोनाचे ४ लाख १४ हजार इतके सर्वाधिक नवीन रुग्ण आढळून आले होते. गेल्या २४ तासांत २ लाख ६३ हजारांवर नवीन रुग्ण आढळले. गेल्या दोन दिवसांपासून देशात ३ लाखांहून कमी नवीन रुग्ण देशात आढळून येत आहेत. ७ मे रोजी आढळलेले आणि आज आज आढळलेल्या रुग्णसंख्या २७ टक्क्यांनी कमी झाली आहे. फक्त ८ राज्यांमध्ये ६९ टक्के रुग्ण आहेत. २२ राज्ये असे आहेत जिथे पॉझिटिव्हिटी दर १५ टक्क्यांहून अधिक आहे. आणि १३ राज्यांमध्ये पॉझिटिव्हिटी दर हा ५ ते १५ टक्क्यांदरम्यान आहे, असं अग्रवाल यांनी सांगितलं.

Covid19: बेजबाबदारपणा जीवावर! विवाहानंतर पाचव्या दिवशी वराचा कोविडनं मृत्यू

देशात साप्ताहिक पॉझिटिव्हिटी दर हा कमी होऊन १४.१० टक्के इतका झाला आहे. देशातील लोकसंख्येच्या फक्त १.८ टक्के नागरिकांना आतापर्यंत करोनाचा संसर्ग झाला आहे. अमेरिकेत हा आकडा १०.१ टक्के, ब्राझीलमध्ये ७.३ टक्के, फ्रान्समध्ये ९ टक्के, रशियात ३.४ टक्के आणि इटलीत ७.४ टक्के इतका आहे, अशी माहिती लव अग्रवाल यांनी दिली.

Plasma Therapy: करोना रुग्णांवर 'प्लाझ्मा थेरेपी'चा वापर बंद, ICMR च्या नव्या गाईडलाईन्स