coronavirus india : करोनामुळे ताजमहालसह देशातील सर्व ऐतिहासिक स्थळं १५ मेपर्यंत बंद

नवी दिल्लीः देशातील करोनाच्या वाढत्या संसर्गामुळे आणखी एक मोठा निर्णय घेण्यात ( coronavirus india ) आला आहे. ताजमहालसह देशातील पुरातत्व विभागाच्या आखत्यारित येणारी सर्व ऐतिहासिक स्थळं आता १५ मेपर्यंत बंद ठेवण्याचे आदेश देण्यात आले आहेत. करोनाच्या वाढत्या रुग्णसंख्येत भारताने ब्राझीललाही मागे टाकले आहे. अमेरिकेनंतर आता जगात भारतात सर्वाधित करोनाचे रुग्ण आहेत. करोनाच्या वाढत्या संसर्गामुळे केंद्र सरकारने सर्व स्मारकं आणि संग्रहालये १५ मेपर्यंत बंद केली आहेत. अधिकाऱ्यांनी गुरुवारी ही माहिती दिली.

देशात गेल्या काही दिवसांपासून करोनाच्या करोना रुग्णांची संख्या अतिशय वेगाने वाढत आहे. गेल्या १० दिवसांमध्ये करोना रुग्णांची रोजची संख्या १ लाखाहून वाढत वाढत आता २ लाखांवर गेली आहे. काही राज्यांनी करोनावरील लसीच्या तुटवड्याचा आरोप केला होता. आता करोनाच्या वाढत्या रुग्णसंख्येमुळे दिल्ली, महाराष्ट्र, मध्य प्रदेशसह अनेक राज्यांमधील हॉस्पिटल्समध्ये बेड कमी पडत आहेत. अनेक ठिकाणी ऑक्सिजनचा तुटवडा जाणवत आहे. देशात गेल्या १५ दिवसांत २० लाखांहून अधिक करोनाचे नवीन रुग्ण आढळून आले आहेत.

Coronavirus : 'वय झालं की मृत्यू अटळ, करोनामुळे होणारे मृत्यू कुणीही रोखू शकत नाही'

kumbh mela : कुंभमेळा; निर्वाणी आखाड्याचे महामंडलेश्वर कपिल देव यांचे करोनाने निधन