india covid cases : गुड न्यूज! देशात ६१ दिवसांनंतर आढळले करोनाचे सर्वात कमी रुग्ण

नवी दिल्लीः भारतात करोनाची दुसरी लाट ओसरत चालली ( india covid cases ) आहे. देशात गेल्या ६१ दिवसांत करोनाचे सर्वात कमी रुग्ण आढळून आले ( coronavirus india update today ) आहेत. ही संख्या ५ एप्रिलनंतर सर्वात कमी आहे. यासोबतच रोजचा पॉझिटिव्हिटी दर हा ६.३४ टक्क्यांवर आला आहे. गेल्या २४ तासांत २४२७ जणांचा करोनाने मृत्यू झाला आहे. तर जवळपास ४३ दिवसांनी देशात करोनाने होणाऱ्या मृतांची संख्या इतकी कमी झाली आहे.

केंद्रीय आरोग्य मंत्रालयाने गेल्या २४ तासांतील करोना रुग्णांची आकडेवारी जारी केली. देशात गेल्या २४ तासांत १,००,६३६ इतके नवीन रुग्ण आढळून आले आहेत. तर २४२७ जणांचा मृत्यू झाला आहे. यामुळे देशातील मृतांची संख्या एकूण ३, ४९, १८६ इतकी झाली आहे. देशात अॅक्टिव्ह रुग्णांची म्हणजे उपचार घेत असलेल्या रुग्णांची संख्या ही १४ लाखांवर आली आहे. गेल्या २४ तासांत १,७४,३९९ जण करोनातून बरे झाले. नवीन रुग्णांच्या तुलनेत बरे होणाऱ्या रुग्णांची संख्या अधिक आहे. हा सलग ५ वा दिवस आहे.

india covid : करोनाची कुठलीही लाट मुलांना टार्गेट करणार नाही, आरोग्य तज्ज्ञांचा दावा

covid vaccine : 'मोदी सरकार ट्वीटरच्या ब्लु टीकसाठी लढतंय, जनतेला मात्र ...'

गेल्या २४ तासांत १५ लाख ८७ हजार ५८९ करोनाच्या चाचण्या करण्यात आल्या. तर १३ लाख ९० हजार ९१६ नागरिकांनी लस घेतली. यानुसार लस घेणाऱ्यांची एकूण संख्या ही २३ कोटी २७ लाख ८६ हजार इतकी झाली आहे.