करोना व्हायरस कसा दिसतो? बघा भारतीय शास्त्रज्ञांनी लावला शोध

नवी दिल्लीः जगभरात थैमान घालणारा करोना व्हायरसविरोधात लस शोधण्याचे प्रयत्न अमेरिका, चीनसह अनेक बलाढ्य देशांकडून सुरू आहेत. पण करोना व्हायरस कसा दिसतो? याचा शोध भारतीय शास्त्रज्ञाने लावला आहे. त्याचे फोटोही समोर आले आहेत.

असा दिसतो करोना व्हायरस

भारतीय शास्त्रज्ञांनी मायक्रोस्पद्वारे (सूक्ष्मदर्शकयंत्र) करोना व्हायरसला टिपले आहे. SARS-CoV-2 virus (COVID19) हा करोना व्हायरस नेमका कसा दिसतो ते फोटोतून समोर आले आहे. भारतात केरळमध्ये ३० जानेवारीला करोनाचा पहिला पॉझिटिव्ह रुग्ण आढळला होता. या रुग्णाच्या घशातील लाळेचे नमुने शास्त्रज्ञांनी संशोधनासाठी घेतले. या नमुन्यांची तपासण्यात करोना व्हायरस स्पष्टपणे दिसून आला. १० एनएमचा हा व्हायरस असल्याचं शास्त्रज्ञांनी स्पष्ट केलंय.
इंडियन जरनल ऑफ मायक्रोबायोलॉजी रिसर्चच्या (IJMR) अंकात ही माहिती देण्यात आली आहे.


विमानांच्या उड्डाणांवरील बंदीत १४ एप्रिलपर्यंत वाढ

१० महिन्यांच्या चिमुकलीला करोना, प्रकृती स्थिर

भारतातील करोनाच्या रुग्णांची संख्या अजूनही वाढत आहे. आज दुपारपर्यंत ही संख्या ७२४ इतकी होती. केंद्रीय आरोग्य मंत्रालयाने ही माहिती दिली. दरम्यान, केरळमधील कोलम जिल्ह्याचे उपजिल्हाधिकारी अनुपम मिश्रा यांना पदावरून निलंबित करण्यात आलं आहे. करोनाची लागण झाल्याच्या संशयावरून त्यांना निरीक्षणाखाली ठेवण्यात आलं होतं. पण त्यानंतर ते बेपत्ता झाल्यानं कोलमचे जिल्हाधिकारी बी. अब्दुल नाझर यांनी सरकारला दिलेल्या अहवालात म्हटलंय.

४० हजार व्हेंटिलेटर खरेदीचे सरकारचे आदेश