करोना: दिल्लीतील प्राथमिक शाळा ३१ मार्चपर्यंत बंद

नवी दिल्ली: करोना विषाणूचे संक्रमण रोखण्यासाठी देशभरात सर्वतोपरी प्रयत्न केले जात आहेत. करोनाला रोखण्याठी विविध राज्यांतील सरकारे महत्त्वाचे निर्णय घेत आहेत. देशभरात आतापर्यंत करोनाच संसर्ग झालेले ३० रुग्ण आढळल्याचे स्पष्ट झाले आहे. करोनाचे गांभीर्य लक्षात घेत दिल्ली सरकारने देखील मोठा निर्णय घेतला आहे. दिल्लीतील सर्वच प्राथमिक शाळा ३१ मार्च पर्यंत बंद ठेवण्याचा महत्त्वपूर्ण निर्णय दिल्लीचे शिक्षण मंत्री मनीष सिसोदिया यांनी घेतला आहे. या बरोबरच दिल्लीतील सरकारी कार्यालयांमध्ये बायोमेट्रिक अटेंडन्सवर देखील बंदी घालण्यात आली आहे.

भय करोनाचे! लोकसभेत खासदार राणा यांनी मास्क लावून विचारला प्रश्न

मनीष सिसोदिया यांनी पत्रकारांशी बोलताना ही माहिती दिली. दिल्ली सरकारने घेतलेल्या निर्णयानुसार दिल्लीतील सर्व प्राथमिक शाळा ३१ मार्च पर्यंत बंद असतील. याचाच अर्थ इयत्ता ५ वी पर्यंतच्या विद्यार्थी ३१ मार्चपर्यंत शाळेत जाणार नाहीत. दिल्ली सरकारचा हा निर्णय उद्या पासून अर्थात, शुक्रवार ६ मार्चपासून लागू होणार आहे. यात सरकारी, खासगी, अनुदानित आणि एनडीएमसी अशा सर्व शाळा बंद राहणार आहेत, असे सिसोदिया म्हणाले. आम्ही करोना विषाणूबाबत सर्वच शाळांना सूचना पाठवल्या असल्याचेही ते म्हणाले.

'या' वातावरणात करोनाचे काहीही चालणार नाही

या बरोबरच, करोनाचा प्रसार रोखण्यासाठी दिल्ली सरकारने आणखी एक महत्त्वाचे पाऊल उचलले आहे. त्यानुसार दिल्लीत आता कार्यालयांमध्ये आता बायोमेट्रिक अटेंडन्स होणार नाहीत.

यंदा वृंदावनाच्या होळीत परदेशी पर्यटकांना बंदी