coronavirus : टेन्शन वाढले! करोना रुग्णांच्या संख्येत मोठी उसळी, मृतांच्या संख्येतही वाढ

नवी दिल्ली : देशात गेल्या दोन दिवसांपासून कमी होत असलेल्या करोनाच्या नवीन रुग्णांच्या संख्येने आज उसळी घेतली आहे. देशात गेल्या २४ तासांत २ लाख ८२ हजार ९७० रुग्ण आढळून आले आहेत. करोनाने होणाऱ्या मृत्युंची संख्याही वाढली असून ४४१ जणांनी जीव गमावला आहे. पण काहिसा दिलासा देणारी बाब म्हणजे गेल्या २४ तासांत १ लाख ८८ हजार १५७ जण करोनातून बरेही झाले आहेत.

कालच्या तुलनेत ४४ हजारांहून अधिक रुग्ण

केंद्र सरकारने मंगळवारी जाहीर केलेल्या आकडेवारीची तुलना आजच्या रुग्णसंख्येशी केल्यास त्यात मोठी वाढ दिसून येत आहे. देशात मंगळवारी २ लाख ३८ हजार ०१८ इतके नवीन रुग्ण आढळल्याचे समोर आले होते. तर आज ही संख्या २ लाख ८२ हजार ९७० म्हणजे तुलनेने ४४, ९५२ इतकी अधिक आहे.

Coronavirus India : चिंता व्यक्त करत केंद्राने राज्यांना लिहिले पत्र; म्हटले, 'तातडीने करोना... '

ओमिक्रॉनचे रुग्ण ९ हजाराजवळ

ओमिक्रॉनच्या रुग्णांची संख्याही वाढत आहे. देशात ओमिक्रॉनच्या एकूण रुग्णांची संख्या ही ९ हजाराजवळ पोहोचली आहे. देशात ओमिक्रॉनच्या एकूण रुग्णांची संख्या ही ८ हजार ९६१ इतकी झाली आहे. तर देशात करोनाच्या अॅक्टिव्ह रुग्णांची संख्याही वाढली असून ती १८ लाख ३१ हजारांवर गेली आहे. देशातील करोनाचा पॉझिटिव्हीटी दर हा १५.१३ टक्के आहे.

Covid Treatment Guideline: कोविड उपचारांसाठी नव्या गाइडलाइन्स; स्टेरॉइड्स टाळा, खोकला थांबत नसेल तर...