एका करोना रुग्णामुळे तब्बल ४०६ जणांना होते लागणः आरोग्य मंत्रालय

नवी दिल्लीः केंद्र सरकार लॉकडाऊन वाढवणार आहे, अशी चर्चा सध्या सोशल मीडियातून सुरू आहे. या चर्चांना केंद्रीय आरोग्य मंत्रालयाने पूर्ण विराम दिला आहे. देशातील लॉकडाऊनबाबत अद्या कुठलाही निर्णय झालेला नाही. यांदर्भात निर्णय झाल्यावर त्याची माहिती तात्काळ दिली जाईल, असं केंद्रीय आरोग्य मंत्रालयाचे संयुक्त सचिव लव अग्रवाल यांनी दिली.

एका करोना रुग्णामुळे ४०६ जणांना होतो संसर्ग

ज्या परिसरांमध्ये किंवा भागांमध्ये करोनाचे रुग्ण आढळून येत आहेत तिथे नियमांनुसार योग्य ती कारवाई करण्यात येत आहे. याचे चांगले परिणामही समोर आले आहेत. आग्रा, गौतम बुद्ध नगर, भीलवाडा, पूर्व दिल्ली या भागात नाकाबंदीसह नियांचं पालन झाल्यानं तिथे प्रशासनाला करोनाला आळा घालण्यात यश आलं आहे. आयसीएमआरने दिलेल्या नियमांचे म्हणजे सोशल डिस्टन्सिंगचे आणि लॉकडाऊनचे पालन करोना रुग्णाने न केल्यास त्याच्यामुळे ३० दिवसांत किमान ४०६ जणांना करोनाचा संसर्ग होऊ शकतो, अशी माहिती अग्रवाल यांनी दिली.

देशातील करोना रुग्णांची संख्या ४,४२१ वर

देशातील करोना रुग्णांची संख्या ४,४२१ वर गेली आहे. यात गेल्या २४ तासांतील ३५४ नव्या रुग्णांचाही समावेश आहे. तर आतापर्यंत ३२६ जणांना उपचारानंतर डिस्चार्ज देण्यात आला आहे. तर २५०० डब्यांमध्ये रेल्वेकडून ४० हजार आयसोलेशन बेड तयार करण्यात येत आहेत. रेल्वेकडून दररोज ३७५ बेड तयार केले जात आहेत. याची तयारी देशातील १३३ ठिकाणी सुरू आहे, असं अग्रवाल यांनी सांगितलं.

देशात वाढू शकतो लॉकडाउन; राज्यांच्या विनंतीवर केंद्राचा विचार सुरू

भारताने अखेर औषध निर्यात बंदी उठवली

करोनाच्या आतापर्यंत १,०७,००६ चाचण्या करण्यात आल्या आहेत. सरकारच्या १३६ प्रयोगशाळांमध्ये या चाचण्या सुरू आहेत. तसंच ५९ खासगी प्रयोगशाळांनाही चाचण्यांची परवानगी देण्यात आली आहे, अशी माहिती आयसीएमआरचे डॉक्टर रमन गंगाखेडकर यांनी दिली.