vaccination : चांगली बातमी! एप्रिलमध्ये सुट्ट्यांसह रोज दिली जाणार करोनावरील लस

नवी दिल्लीः करोना व्हायरसचा प्रादुर्भाव पुन्हा वाढत आहे. यामुळे केंद्र सरकारने आता मोठा निर्णय घेतला आहे. एप्रिलच्या सुट्ट्यांसह रोज करोनावरील लस देण्याचा निर्णय सरकारने जाहीर केला आहे. देशात गेल्या २४ तासांत ७२ हजारांहून अधिक रुग्ण आढळून आले आहेत. देशात सध्या ५ लाखांहून अधिक करोनाचे अॅक्टिव्ह रुग्ण आहेत. अशा परिस्थिती करोनाचा प्रादुर्भाव रोखण्यासाठी एकमेव पर्याय हा लसीकरणाचा आहे. देशात आतापर्यंत ६.२४ कोटीहून अधिक नागरिकांना लस दिली गेली आहे. मंगळवारी १२.९४ लाख नागरिकांवर लसीकरण करण्यात आले. आता आजपासून देशात ४५ वर्षांवरील सर्व नागरिकांना करोनाची लस देण्यात येत आहे.

४५ वर्षांवरील नागरिकांच्या लसीकरणाला सुरवात

आतापर्यंत ४५ वर्षांवरील फक्त गंभीर आजार असलेल्या रुग्णांनाच लस दिली जात होती. पण आता देशात करोना रुग्णांच्या संख्येत वेगाने वाढ होत असल्याने आता ४५ वर्षांवरील सर्वांना करोनावरील लस दिली जात आहे. यासाठी आधी नोंदणी करावी किंवा दुपारी ३ वाजेनंतर थेट केंद्रात जाऊन नोंदणी करून लस घेता येते.

करुण कहाणी... करोनाने IAF पायलटच्या गर्भवती पत्नीचा जीव घेतला, बाळही दगावलं

करोना तपासणीत वेग

देशात करोनाची दुसरी लाट येण्याची शक्यता वर्तवली जात आहे. यामुळे तपासणीचा वेग वाढवण्यात आला आहे. अनेक राज्यांनी इतर राज्यांमधून येणाऱ्या नागरिकांना करोना टेस्ट रिपोर्ट बंधनकारक केला आहे. करोनाचा प्रादुर्भाव तातडीने रोखण्यासाठी रुग्णांची ओळख करून त्यांच्या संपर्कात येणाऱ्यांचा शोध घेणं आणि उपचार करणं गरजेचं आहे, असं तज्ज्ञांनी म्हटलं आहे.

coronavirus india : AIIMS चे संचालक म्हणाले, 'भारतात सध्या ब्रिटनसारखी स्थिती'

coronavirus india : करोनाने टेन्शन वाढवलं, देशात आढळले ७२ हजारांवर नवीन रुग्ण