'करोनावरील 'मेड इन इंडिया' लसची २५ देशांना प्रतीक्षा'

नवी दिल्ली: भारताने आतापर्यंत १५ देशांना करोनावरील लसचा पुरवठा ( covid 19 vaccine ) केला आहे. अजून २५ देश भारतात तयार होणाऱ्या करोनावरील लसच्या ( coronavirus vaccine ) प्रतीक्षेत आहेत, अशी माहिती परराष्ट्रमंत्री एस. जयशंकर ( s jaishankar ) यांनी शनिवारी दिली. देशात तीन श्रेणींमधील देश भारतातील लस घेण्यास इच्छुक आहेत. गरीब देश, किमतीवरून संवेदनशील असलेले देश आणि औषध कंपन्यांशी करार करणाऱ्या देशांचा यात समावेश आहे.

आपण १५ देशांना आधीच लसचा पुरवठा केला आहे. आणखी २५ देशांना लसची प्रतीक्षा आहे. पण आज महत्त्वाची बाब म्हणजे भारत यामुळे जगाच्या नकाशावर अधिक ठळकपणे उदयास आला आहे, असं जयशंकर यांनी पत्रकार परिषदेत सांगितलं.

परराष्ट्रमंत्र्यांचा चीनला सूचक इशारा, 'करोनानंतरचा भारत पूर्वीपेक्षा...'

रतन टाटा भावुक, ''भारतरत्न'साठीचं कॅम्पेन थांबवा, माझं भाग्य...'

काही गरीब देशांना अनुदान तत्त्वावर लसचा पुरवठा केला जात आहे. तर भारत सरकार लस उत्पादकांकडून खरेदी करत असलेल्या किंमतीवर काही देशांना लस हवी आहे. भारताला 'जगाची फार्मसी' म्हणून स्थापन करण्याचा पंतप्रधान मोदींचा मानस आहे, असं परराष्ट्रमंत्री एस. जयशंकर म्हणाले.