coronavirus vaccine : करोनावरील लसची किंमत उघड, २०० रुपयांना मिळणार कोविशिल्डचा डोस

नवी दिल्लीः ऑक्सफोर्ड युनिव्हर्सिटीचे आणि अ‍ॅस्ट्रॅझेनकाच्या करोनावरील लस 'कोविशिल्ड'च्या ( covishield ) एका डोसची किंमत भारतात २०० रुपये असेल. ही लस तयार करणारी कंपनी सीरम इन्स्टिट्यूट ऑफ इंडियाच्या (SII) अधिकाऱ्यांनी ही माहिती दिली. एएनआय या वृत्तसंस्थेनं हे वृत्त दिलं आहे. प्राधान्य क्रमातील नागरिकांना करोनावरील लस ( coronavirus vaccine ) मोफत दिली जाईल, असं केंद्र सरकारने स्पष्ट केलं आहे. तर सीरम इन्स्टिट्यूटकडून लसची रवानगी उद्या पहाटेपासून केली जाईल, असं सूत्रांकडून सांगण्यात येतंय.

सरकारने 'कोविशिल्ड'ची ऑर्डर दिली

भारत सरकारने 'कोविशिल्ड' पुणे येथील लस उत्पादक सीरम इन्स्टिट्यूट ऑफ इंडियाला डोसची ऑर्डर देण्यात आली आहे. देशात करोनावरील लसीकरण मोहीम १६ जानेवारीपासून सुरू होणार आहे. सीरम ही जगातील सर्वात मोठी लस उत्पादक कंपनी आहे. केंद्र सरकारने कंपनीला १ कोटी १० लाख डोसची ऑर्डर दिली आहे.

धोक्याची घंटा! महाराष्ट्र, दिल्लीसहीत देशातील नऊ राज्यांत 'बर्ड फ्लू' दाखल

पीएम किसान योजनेचा पैसा 'चुकीच्या' हातांत, RTI अंतर्गत माहिती उघड

कोविशिल्डबरोबरच कोवॅक्सिनलाही मंजुरी

करोना लसीवरील सरकारच्या तज्ज्ञ समितीने अ‍ॅस्ट्रॅझेनकाच्या कोविशिल्ड तसेच भारत बायोटेकच्या कोवॅक्सिनला मर्यादित आपत्कालीन वापरासाठी मंजुरी दिली आहे. कोवॅक्सिन ही लस इंडियन काउन्सिल ऑफ मेडिकल रिसर्च (आयसीएमआर) च्या मदतीने भारत बायोटेक कंपनीने विकसित केली आहे.

देशभरात १६ जानेवारीपासून लसीकरण मोहीम सुरू होणार आहे. देशाच्या प्रत्येक जिल्ह्यात करोना लस पोहोचवली जाईल. लस लाइव्ह ट्रॅकिंगसाठी कोविन (को-विन) ऑनलाईन प्लॅटफॉर्म तयार करण्यात आला आहे. कोविनद्वारे नागरिकांना लसीकरणासाठी नोंदणी करता येईल. करोना लस घेण्यापूर्वी कोविनमार्फत नोंदणी करणं बंधनकारक असेल. कारण लसीकरण केंद्रांवर जांगेवर लससाठी नोंदणी करता येणार नाही. कोविन अॅप लाँचबाबत सरकारकडून माहिती दिली जाईल. त्यानंतर लसीकरणासाठी नोंदणी करता येईल.