covid vaccine : भारतातील करोनाच्या व्हेरियंटवर लसींच्या प्रभावाबाबत 'अनिश्चितता' : WHO

नवी दिल्लीः भारतात आढळून येत असलेले करोनाचे वेगवेगळे व्हेरियंट ( corona variant in india ) हे अधिक घातक आणि संसर्गजन्य आहेत, असं जागतिक आरोग्य संघटनेनं (WHO) आपल्या साप्ताहिक अपडेट दरम्यान सांगितलं. भारतातील करोनाच्या म्युटेशनवर लसी ( covid vaccine ) किती प्रभावी ठरतील, याबाबत ठोस असं काही सांगता येणार नाही, असंही WHO ने म्हटलं आहे. करोनाचा B.1.617 हा व्हेरियंट भारतात सर्व प्रथम गेल्या वर्षी ऑक्टोबरमध्ये आढळून आला होता. आता हा व्हेरियंट ४४ देशांमध्ये आढळला आहे. करोनाचा हा व्हेरियंट अधिक संसर्गजन्य असून अँटीबॉडीचाही यावर खूप कमी परिणाम होतो.

जागतिक आरोग्य संघटनेच्या ब्रिटनमध्ये B.1.17 हा करोनाचा व्हेरियंट आढळून आला. भारतात B.1.617 या करोनाच्या व्हेरियंटने थैमान घातले आहे. पण गेल्या काही आठवड्यात याच्या संसर्गात कमी दिसून आली आहे. पण आता B.1.617.1 आणि B.1.617.2 रूपात आणखी दोन घातक म्युटेशन्स समोर आले आहेत. B.1.617.1 आणि B.1.617.2 या व्हेरियंटचा अधिक वेगाने प्रादुर्भाव होतो. B.1.617 या व्हेरियंटवर लसींच्या आणि औषधांच्या प्रभावाबाबत अनिश्चिततेची स्थिती आहे. काही संशोधनांनुसार Pfizer आणि Moderna लसींचा भारतातील या व्हेरियंट्सवर प्रभाव फार कमी होतो, असं जागतिक आरोग्य संघटनेनं म्हटलं आहे.

Sputnik V vaccine : रशियाची स्पुतनिक लस पुढील आठवड्यापासून बाजारात मिळणार, सरकारची घोषणा

अमेरिकेतील शास्त्रज्ञांचं मात्र जागतिक आरोग्य संघटनेच्या उलट मत आहे. Pfizer, Moderna आणि Johnson and Johnson च्या लसी B.1.617 या व्हेरियंटवर अतिशय प्रभावी असल्याचं अमेरिकेतील शास्त्रज्ञांचा दावा आहे. डेटा येत आहे. आणि अमेरिकेने Pfizer, Moderna आणि Johnson and Johnson लसींना मंजुरी दिली आहे. या लसी B.1.617 व्हेरियंटवर प्रभावी आहेत, असं डायरेक्टर ऑफ नॅशनल इन्स्टिट्यूट ऑफ सायन्स प्राध्यापक फ्रान्सिक कोलिन्स यांनी सांगितलं. पीटीआयने हे वृत्त दिलं आहे. एप्रिलमध्ये भारतात B.1.617.1 व्हेरियंटचे २१ टक्के आणि B.1.617.2 व्हेरियंटचे ७ टक्के रुग्ण समोर आले होते.

coronavirus : 'करोना रुग्णांवर उपचार करायचे आहेत', संशयित दहशतवाद्याची कोर्टाकडे मागणी