लशीचा डोस घेतल्यानंतरही हरयाणाचे मंत्री अनिल वीज करोना संक्रमित

नवी दिल्ली : हरयाणाचे मंत्री अनिल वीज करोना संक्रमित आढळलेत. अनिल वीज यांनी स्वत: ट्विट करून यासंबंधात माहिती दिलीय. उल्लेखनीय म्हणजे, नोव्हेंबर महिन्यात करोनाच्या भारतीय लस असलेल्या 'कोव्हॅक्सीन'च्या चाचणी टप्प्यात अनिल वीज यांनी सहभाग घेतला होता.


वाचा : करोना: १ कोटी आरोग्य कर्मचाऱ्यांना देणार लशीचा पहिला डोस; केंद्र सरकारची माहिती
वाचा : Corona Vaccine : तज्ज्ञांना हिरवा झेंडा मिळता देशभर सुरू होणार लस मोहीम : मोदी

अनिल वीज यांना सध्या अंबाला कॅन्टच्या सिव्हिल रुग्णालयात दाखल करण्यात आलंय. कोविड प्रोटोकॉलप्रमाणे आपल्या संपर्कात आलेल्या लोकांना करोना चाचणी करवून घेण्याचं आवाहन वीज यांनी केलंय.

अनिल वीज कोविड पॉझिटिव्ह आढळणं हा सोशल मीडियावरील चर्चेचा विषय ठरलाय. याचं कारण म्हणजे, कोव्हॅक्सिन ही भारत बायोटेकची लस चाचणीच्या तिसऱ्या टप्प्यात आहे. 'कोव्हॅक्सीन' लस घेऊनही अनिल वीज करोना संक्रमित आढळल्यानं लशीच्या परिणामकारकतेवर पुन्हा एकदा प्रश्नचिन्ह उपस्थित करण्यात येतंय.

अनिल वीज यांनी अंबालाच्या एका रुग्णालयात २० नोव्हेंबर रोजी कोव्हॅक्सिनचा पहिला डोस घेतला होता. कोव्हॅक्सिन लस चाचणीच्या तिसऱ्या टप्प्यात प्रोटोकॉलनुसार, ०.५ मिलीग्रॅम डोस दिला जातो. पहिल्या डोसनंतर दुसरा डोस २८ व्या दिवशी दिला जातो. म्हणजेच अनिल वीज यांना दुसरा डोस अद्याप दिला गेलेला नाही.

वाचा : भारतात कधी येणार करोना लस?; एम्सच्या संचालकांनी सांगितले
वाचा : कोविशील्ड चाचणीचे 'साइड इफेक्ट', लस उशिरा येणार?

'कोव्हॅक्सिन'च्या निष्कर्षावर पोहचण्याची घाई नको

परंतु, याचा अर्थ 'कोव्हॅक्सिन' लस परिणामकारक नाही, असं म्हणणं फार घाईचं ठरू शकतं. वीज यांच्यासंदर्भात लशीसंबंधी अधिक माहिती समोर आल्यानंतर कोणत्याही निष्कर्षावर पोहचता येऊ शकेल. देशभरात कोव्हॅक्सिन लशीच्या चाचणीत तब्बल २६ हजार स्वयंसेवकांनी सहभाग घेतलाय. चाचणी प्रक्रियेत सहभागी झालेले स्वयंसेवकदेखील करोना संक्रमित आढळू शकतात. लशीच्या चाचणी प्रक्रियेतील हा अगदी सामान्य भाग आहे.

वाचा : Covid-19: 'देशातील सर्वांनाच नाही मिळणार लस', पाहा, सरकार असे का म्हणतेय?
वाचा : करोनाची लस सर्वप्रथम कोणाला देणार?; आरोग्यमंत्र्यांनी दिलं उत्तर