देशात करोना रुग्णांचा आकडा २० हजारांवर

नवी दिल्लीः देशातील करोना रुग्णांचा आकडा आज २० हजारांवर गेला असून २०४७१ इतका झाला आहे. १५८५९ जणांवर उपचार सुरू आहेत. ३९५९ जणांना डिस्चार्ज देण्यात आलाय. तर ६५२ जणांचा करोनाने मृत्यू झाला आहे.

करोनाचे सर्वाधिक रुग्ण महाराष्ट्रात आढळून आलेत. महाराष्ट्रातील रुग्ण संख्या ५२२१ वर गेलीय. दिल्लीत २१५६ आणि गुजरातमध्ये २२७२ रुग्ण आहेत. महाराष्ट्रात सर्वाधिक २५१ जणांचा करोनाने मृत्यू झाला आहे. केरळ, कर्नाटक, राजस्थान आणि काश्मीरमध्ये आज नवीन रुग्ण आढळून आलेत.

केंद्रीय मंत्रिमंडळाने करोनाचा सामना करण्यासाठी आज १५००० कोटींचा निधी तातडीने मंजूर केलाय. तीन टप्प्यात हा निधी वापरला जाईल. करोनावरील उपाययोजनासांठी ७७७४ कोटींचा निधी आरोग्य यंत्रणांच्या सज्जतेसाठी आणि इमर्जन्सी रेस्पॉन्ससाठी वापरला जाणार आहे. उर्वरीत निधी आरोग्य मोहीमेसाठी वापरला जाईल.

लॉकडाऊनः मोदी मुख्यमंत्र्यांशी संवाद साधणार

काश्मिरात करोना फैलावण्याचा पाकचा कट

करोनाला अटकाव करण्यासाठी सरकारने निधी जारी केला आहे. करोना रुग्णांचा शोध, तपासणी आणि उपचार, आवश्यक वैद्यकीय साधन सामग्री, औषधं, राज्यांमधील आरोग्य यंत्रणा आणि आगामी काळातील आरोग्य संकटाचा सामना करण्यासाठी या निधीचा उपयोग केला जाईल, असं केंद्रीय मंत्री प्रकाश जावडेकर यांनी सा्ंगितलं. दरम्यान, विमान वाहतूक सुरू करण्याचा सरकारचा कुठलाही निर्णय झालेला नाही, असं जावडेकर यांनी स्पष्ट केलं.