covid vaccine : करोनाची बनावट आणि खरी लस कुठली? 'असं' ओळखा...

नवी दिल्लीः करोना संसर्गाच्या बचावापासून जगभरात लसीकरण मोहीम सुरू आहे. पण याचा फायदा आता काही माफीया घेत आहेत. बनावट लसही आल्या आहेत. यामुळे खरी लस कुठली आणि बनावट कोणती? असा प्रश्न तज्ज्ञांपासून ते सामान्यांपर्यंत सर्वांना पडला आहे. एवढचं नव्हे जागतिक आरोग्य संघटनेनेही सर्व देशांना बनावट लसींचा इशारा दिला आहे. दक्षिण पूर्व आशिया आणि आफ्रिकेत अॅस्ट्रजेनेका आण ऑक्स्फोर्डची कोविशिल्ड ( covishield ) ही बनावट लस समोर आल्या आहेत. यामुळे आता केंद्र सरकारनेही राज्यांना सतर्क केलं असून ( covaxin ) खरी लस कशी ( sputnik v ) ओळखायची याची माहिती दिली आहे.

कोविशिल्ड लस

खरी लस ओखळण्यासाठी कोविशिल्डच्या लसीच्या बाटलीवर खालील माहिती बघावी...

- सीरम इन्स्टिट्यूट ऑफ इंडियाचे (एसआयएस) प्रोडक्ट लेबल

- ट्रेडमार्कसोबत ब्रँड (कोविशिल्ड) नाव असेल

- जनेरिक नावाचा शब्द बोल्ड नसेल

- लेबर गडद हिरव्या रंगाचे असेल आणि त्यावर अॅल्युमिनिअप क्लिपचे सील असेल

- सीजीएस नॉन फॉर सेल, असा शिक्का असेल



covid vaccine : करोनाची लस बनावट नाही ना? डोस देण्यापूर्वी तपासा, केंद्राचे राज्यांना निर्देश

कोवॅक्सिन लस

खऱ्या लसीवर खालील माहिती...

- कोवॅक्सिनच्या बाटलीवर यूव्ही हेलिक्स (डीएनए सारखी संरचना) असेल, हे चित्र अल्ट्रा व्हायलेट प्रकाशात बघात येतं.

- कोवॅक्सिनवरील एक्स (X) हे अक्षर हिरव्या रंगाच्या इफेक्टमध्ये दिसेल.

- कोवॅक्सिनच्या स्पेलिंगमध्ये होलोग्राफिक इफेक्टही दिसेल.


nipah virus : केरळमध्ये निपाह व्हायरसने १२ वर्षांच्या मुलाचा मृत्यू, केंद्राचे पथक रवाना

स्पुतनिक व्ही

रशियातून भारतात आयात करण्यात येत असलेली स्पुतनिक व्ही ही लस दोन वेगवेगळ्या प्रकल्पातून आयात केली जाते. यामुळे उत्पादन करणाऱ्या दोन वेगवेगळ्या कंपन्यांची नावं असतील. याशिवाय सर्व माहिती सारखीच असेल.