LIVE : 'एम्स'च्या संचालकांनीही घेतला करोना लशीचा डोस

नवी दिल्ली : भारतात आजपासून (शनिवार, १६ जानेवारी) करोनाविरुद्ध जगातील सर्वात मोठ्या लसीकरण मोहिमेला सुरूवात होतेय. पंतप्रधान नरेंद्र मोदी यांनी व्हिडिओ कॉन्फरन्सिंगच्या माध्यमातून सकाळी १०.३० वाजता देशात पहिल्या टप्प्यात कोव्हिड १९ लसीकरण मोहिमेला सुरुवात केली. देशातील जवळपास सर्व राज्यांमध्ये करोना लशीचे डोस दाखल झालेले आहेत.

LIVE अपडेट :

पंतप्रधान नरेंद्र मोदी यांनी शनिवारी सकाळी १०.३० वाजता देशवासियांना संबोधित केल्यानंतर करोना लसीकरण मोहिमेची सुरुवात केली. यावेळी, करोना योद्ध्यांनी केलेल्या त्यागाविषयी बोलताना पंतप्रधान मोदी गहिवरले.

राजस्थानातील जयपूर येथील सवाई मानसिंग मेडिकल कॉलेजचे प्राचार्य सुधीर भंडारी यांना प्रथम लशीचा डोस दिला गेला. याशिवाय मध्य प्रदेशात एका रुग्णालयातील सुरक्षा रक्षक आणि सहाय्यक यांसह इतरही काही जण या लस मोहिमेत सहभागी झालेत. एका दिवसात प्रत्येक केंद्रात सरासरी १०० लोकांना लस दिली जाणार आहे.


- 'एम्स' रुग्णालयाचे संचालक डॉ. रणदीप गुलेरिया यांनीही दिल्लीतील एम्स रुग्णालयात कोव्हिड १९ लशीचा डोस घेतला


लसीकरण मोहिमेला प्रारंभ; करोना योद्ध्यांविषयी कृतज्ञता व्यक्त करताना पंतप्रधान मोदी गहिवरले
ड्रग्स कंट्रोलर जनरल ऑफ इंडिया'कडू (DCGI) सीरम इन्स्टीट्यूटची 'कोव्हिशिल्ड' आणि भारत बायोटेकची 'कोव्हॅक्सिन' या लशींना आपात्कालीन वापरासाठी मंजुरी देण्यात आलीय.

लस कुणाला दिली जाऊ शकते? मोहिमेअगोदर केंद्राचे राज्यांना निर्देश
लसीकरणाच्या पहिल्या टप्प्यात आरोग्य कर्मचारी आणि फ्रंटलाईन कर्मचाऱ्यांना लस दिली जाणार आहे. संपूर्ण देशात एकाच वेळेस लसीकरण मोहिमेला सुरुवात होणार आहे. सर्व राज्य आणि केंद्रशासित प्रदेशांमध्ये यासाठी तब्बल ३००६ लसीकरण केंद्र निश्चित करण्यात आले आहेत.

Corona Vaccination : देशभरात एकाच वेळेस लसीकरणाला होणार सुरुवात'कोव्हिशिल्ड' आणि 'कोव्हॅक्सिन'चे १.६५ डोस सर्व राज्य आणि केंद्रशासित प्रदेशांच्या आरोग्य कर्मचार्‍यांच्या संख्येनुसार वाटप करण्यात आले आहेत. उल्लेखनीय म्हणजे, कोव्हिशिल्ड की कोव्हॅक्सिन असा पर्याय लस घेणाऱ्या व्यक्तीला उपलब्ध नाही.