covid vaccine : लस घेतल्यानंतरही किती जणांना झाला करोना संसर्ग? सूत्रांनी दिली माहिती

नवी दिल्लीः करोनावरील लस घेतल्यानंतरही अनेकांना संसर्ग झाला आहे. देशात आतापर्यंत २ लाख ५८ हजार ५६० जणांना ब्रेकथ्रू इन्फेक्शन (लस घेतल्यानंतर संसर्ग) झाले आहे, अशी माहिती केंद्रीय आरोग्य मंत्रालयातील सूत्रांनी दिली आहे. यात लसीचा पहिला डोस घेतल्यानंतर १ लाख ७१ हजार ५११ जणांना आणि दुसरा डोस घेतल्यानंतर ८७ हजार ४९ जणांना ब्रेकथ्रू इन्फेक्शन झाले आहे, असं सूत्रांनी सांगितलं. देशातील लसीकरण मोहीमेत कोविशिल्ड, कोवॅक्सिन आणि स्पुतनिक व्ही या तिन्ही लसींचे डोस घेतल्यानंतर संसर्ग झाल्याचं समोर आलं आहे. या लसींचा पहिला आणि दुसरा डोस घेतल्यानंतही संसर्गा झाल्याचं दिसून आलं आहे. एकूण लसीकरणापैकी ०.०८४ टक्के जणांना संसर्ग झाल्याचं सांगण्यात येत आहेत.

देशात गेल्या २४ तासांत आढळले ४०, १२० नवे रुग्ण

देशात करोनाच्या नवीन रुग्णांच्या संख्येने ४० हजारांचा टप्पा ओलांडला आहे. गेल्या २४ तासांत देशात ४०,१२० नवीन रुग्ण आढळले आहेत. ५८५ जणांचा मृत्यू झाला आहे. देशात सध्या ३,८५,२२७ अॅक्टिव्ह रुग्ण आहेत. गेल्या २४ तासांत ४२,२९५ जण करोनामुक्त झाले. करोनातून बरे होण्याचे प्रमाण हे ९७.४६ टक्के आहे. गेल्या २४ तासांच ५७, ३१,५७४ जणांना लसीचा डोस देण्यात आला आहे.

covid 19 positive : धक्कादायक! बेंगळुरूत फक्त ५ दिवसांत २४२ मुलांना करोनाचा संसर्ग

करोनाच्या डेल्टा प्लस वेरियंटने तीन मृत्यू

महाराष्ट्रात रायगडमध्ये करोनाच्या डेल्टा प्लस वेरिंयटने एकाचा रुग्णाचा मृत्यू झाला आहे. पहिला मृत्यू रत्नागिरत तर दुसऱ्या मृत्यू मुंबईत नोंदवला गेला आहे. रायगडमध्ये ६९ वर्षीय ज्येष्ठ नागरिकाचा मृत्यू झाल्याची माहिती रायगडच्या जिल्हाधिकारी निधी चौधरी यांनी दिली.

Corona Vaccine: एक डोस कोवॅक्सिनचा तर दुसरा कोविशिल्डचा, अभ्यासाला परवानगी