rahul gandhi : 'केंद्र सरकारचे कोविड धोरण तुघलकी आणि घंटी बजाओचे'

नवी दिल्लीः देशात करोनाच्या वाढत्या प्रादुर्भावावरून ( coronavirus india ) केंद्र सरकारवर विरोधी पक्षांकडून जोरदार टीका होत आहे. देशात करोनाने निर्माण झालेल्या स्थितीला केंद्र सरकार जबाबदार असल्याचा आरोप काँग्रेस नेते राहुल गांधी ( rahul gandhi ) यांनी केला आहे. सरकारचे कोविध धोरण हे तुघलकी आणि घंटी बजाओ, असे आहे, अशी टीका राहुल गांधींनी केली. काँग्रेस सरचिटणीस प्रियांका गांधी यांनी करोनाच्या या संकटात एकजूट होऊन लढण्याचं आवाहन जनतेला केलं.

काँग्रेस नेते राहुल गांधी हे पत्रकार परिषद घेणार होते. पण नंतर ती रद्द करण्यात आली. देशात करोना संसर्गाची दुसरी लाट धोकादायक होत चालली आहे. प्रादुर्भाव वेगाने होत असताना मृत्युही वाढत आहेत. महाराष्ट्रासह काही राज्यांमध्ये मिनी लॉकडाउनही सुरू झाला आहे.

adar poonawall : सीरमच्या अदर पुनावालांचे अमेरिकेच्या अध्यक्षांना आवाहन.

केंद्र आणि राज्य सरकारने करोनाचा प्रादुर्भाव नियंत्रणात आणण्याचा प्रयत्न करत आहेत. अशात राहुल गांधी यांनी आज एकामागून एक ट्वीट केले. केंद्र सरकारचे कोविड धोरण... पहिला टप्पा- तुघलकी लॉकडाउन लावा, दुसरा टप्पा- घंटी बाजाओ, तिसरा टप्पा- देवाचे गुणगाण करा, असं राहुल गांधी म्हणाले.

oxygen shortage : ऑक्सिजनचा तुटवडा; PM मोदींनी घेतला आढावा, महाराष्ट्रासह इतर राज्यांना पुरवठा करणार

प्रियांका गांधींचे नागरिकांना आवाहन

आपल्यासर्वांसाठी हा संकटाचा काळ आहे. सर्वांनी मास्क लावावा, करोनासंबंधी सुरक्षेच्या नियमांचे पालन करावे. काळजी घेऊन आणि संवेदनांसोबत आपल्याला करोनाविरोधातील लढाई जिंकायची आहे, असं आवाहन प्रियांका गांधी यांनी ट्वीट करून केलं.

Medical Oxygen : देशात ऑक्सिजनचा तुटवडा, परदेशातून आयातीचा केंद्राचा निर्णय