covid the third wave : करोनाची तिसरी लाट जवळ आलीय, केंद्र आणि राज्य सरकारांना IMA चा इशारा

नवी दिल्लीः देशातील डॉक्टरांची प्रमुख संस्था इंडियन मेडिकल असोसिएशनने (IMA)ने केंद्र सरकारला सतर्क राहण्याचं आवाहन केलं आहे. केंद्र आणि राज्य सरकारांनी करोना विरोधी लढाईत कुठलीही ढिलाई देऊ नये, असं आवाहन आएमएने केलं आहे. करोनाची तिसरी लाट जवळ ( covid third wave ) आली आहे. अशा कठीण स्थितीत विविध संस्थांचे अधिकारी आणि नागरिकांमध्ये करोना रुग्णांबाबत जो हलगर्जीपणा केला जात आहे त्यावरही आयएमएने ( Indian Medical Association ) नाराजी व्यक्त केली आहे. अत्याधुनिक वैद्यकी यंत्रणा आणि राजकीय नेतृत्वाच्या अथक प्रयत्नांनंतर देशात करोनाची दुसरी लाट नियंत्रणात आली आहे. यामुळे पुन्हा निष्काळजीपणा दाखवू नये, असा इशारा आयएमएने दिला आहे.

आयएमएने प्रसिद्धी पत्रक जारी केले आहे. जगात उपलब्ध पुरावे आणि कुठल्याही महामारीचा इतिहास पाहता करोनाची तिसरी लाट अपरिहार्य आहे. तरीही देशातील बहुतेक भागात सरकार आणि नागरिक करोनासंबंधी प्रोटोकॉलचे उल्लंघन करताना दिसत आहेत. अनेक ठिकाणी नागरिक गर्दी करत आहेत. हे अतिशय दुर्दैवी आहे, असं आयएमएने म्हटलंय. पर्यटन आणि धार्मिक कार्यक्रमांसाठी आणखी काही महिने आपण थांबू शकतो. पर्यटन आणि धार्मिक उघडण्यात आली आहेत. लस न घेता नागरिक मोठ्या प्रमाणावर तिथे गर्दी करत आहेत. हे करोनाची तिसरी लाट येण्याचे कारण ठरू शकते, असा गंभीर इशारा आयएमएने पत्रातून दिला आहे.

moderna vaccine : मॉडर्नाची करोनावरील लस कधी येणार? केंद्र सरकारने दिले उत्तर

Covid19: २४ तासांत ३७,१५४ करोनाबाधित; ७२४ मृत्यू