covid third wave : SBI चा रिसर्च रिपोर्ट; करोनाची तिसरी लाट ऑगस्टपर्यंत येणार, सप्टेंबरमध्ये टिपेला पोहोचणार

नवी दिल्लीः देशात करोनाची दुसरी लाट कमकुवत झाली आहे. पण दुसरी लाट पूर्णपणे ओसलेली नाही, असं केंद्र सरकारने म्हटलं आहे. आता करोनाच्या तिसऱ्या लाटेसंदर्भात ( covid third wave ) स्टेट बँक ऑफ इंडियाचा रिसर्च रिपोर्ट ( sbi research report ) आला आहे. देशात करोनाची तिसरी लाट ही ऑगस्टमध्ये येईल, असा दावा या रिपोर्टमध्ये करण्यात आला आहे. 'कोविड-१९: द रेस टू फिनिशिंग लाइन' या नावाने हा रिपोर्ट प्रकाशित करण्यात आला आहे. तिसरी लाट सप्टेंबरमध्ये टिपेला पोहोचेल, असं या रिपोर्टमध्ये म्हटलं आहे.

करोनाची दुसरी लाट मे महिन्याच्या तिसऱ्या आठवड्यात टिपेला पोहोचली होती. तर ६ मे रोजी देशात ४ लाख १४ हजार नवीन रुग्णांची नोंद झाली होती. करोना महामारी दरम्यान एका दिवसातील ही सर्वाधिक रुग्णसंख्या होती. या काळात दिल्ली, महाराष्ट्र आणि केरळ या राज्यांमधील स्थिती गंभीर बनली होती, अस या रिपोर्टमध्ये म्हटलं आहे. या रिपोर्टने एक मोठा इशाराही दिला आहे. करोनाची दुसऱ्या लाट टिपेला पोहोचली त्यावेळच्या स्थितीपेक्षा अधिक बिकट स्थिती तिसऱ्या लाटेत होऊ शकते. दुसऱ्याटे लाटपेक्षा तिसरी लाट दुप्पट किंवा १.७ टक्क्यांनी अधिक वाढीने टिपेला असेल, असा दावा रिपोर्टमध्ये करण्यात आला आहे.

ऑगस्टच्या दुसऱ्या पंधरवाड्यात रुग्णसंख्या वाढू लागेल

मिळालेल्या डेटानुसार जुलैच्या दुसऱ्या आठवड्यात रोज नवीन रुग्णांची संख्या ही १० हजापर्यंत खाली येईल. पण ऑगस्टच्या दुसऱ्या पंधरवाड्यापासून पुन्हा करोना रुग्णांची संख्या वाढू लागेल, अस रिपोर्टमध्ये म्हटलं आहे. देशात रविवारी करोनाचे ४०,१११ नवीन रुग्ण आढळून आले.

cowin global conclave : ''कोविन प्लॅटफॉर्म'ची सुविधा सर्व देशांना उपलब्ध होणार', PM मोदींची घोषणा

करोनाने होणारे मृत्यू घटले

करोनाची दुसरी लाटेत आता कमी रुग्ण आढळून येत असले तरी ही लाट अजूनही संपलेली नाही. अजूनही अनेक गावांमध्ये शेकडो नागरिकांना करोनाचा संसर्ग होत आहे. शेकडो नागरिकांचा करोनाने मृत्यू होत आहे. रविवारी ७२५ रुग्णांचा करोनाने मृत्यू झाला. गेल्या ८८ दिवसांतील ही सर्वात कमी संख्या आहे.

coronavirus : करोनाची तिसरी लाट ऑक्टोबर-नोव्हेंबरमध्ये टिपेला पोहोचू शकते, प्रमुख