‘माकप’मधील दरी वाढली!

ईटी वृत्त, कोलकता

काँग्रसबरोबर हातमळिवणी करण्याच्या मुद्द्यावरून मार्क्सवादी कम्युनिस्ट पार्टीत उभी फूट पटली आहे. त्या मुद्यावरून पक्षातील दोन बड्या नेत्यामधील दरी दिवसेंदिवस वाढते आहे. त्यामुळे पक्षासमोरील समस्या वाढत आहेत. पक्षाचे माजी महासचिव प्रकाश कारात काँग्रेसबरोबर कोणत्याही प्रकारची आघाडी होऊच शकत नाही, या मतावर ठाम आहेत. तर महासचिव सीताराम येचुरी यांच्या बंगालमधील सदस्यांचे मत मात्र पूर्णपणे विरुद्ध आहे. ‘ईटी’शी बोलताना कारात यांनी भ‌विष्यातही काँग्रेसबरोबर आघाडी होणार नाही आण‌ि पक्षात त्याबाबत कोणतेही दुमत नाही, असे स्पष्ट केले.

पक्षातील या दोन ज्येष्ठ नेत्यांमधील मतभेदांचा परिणाम आता स्थानिक नेत्यांच्या कामावर होऊ लागला आहे. तर जिल्हा पातळीवरील कार्यकर्ते राजकीय कार्यक्रमांमध्ये काँग्रेसशी हातमिळवणी करावी की नाही अशा द्वंद्वात आहेत. दुसरीकडे बंगालमध्ये डावी आघाडी आण‌ि काँग्रेसने संयुक्तपणे आयोज‌ति केलेल्या कार्यक्रमांना पक्षाचे नेते उपस्थ‌ति राहतील, असे येचुरी आण‌ि राज्य सचिव सूरजकांत मिश्रा सांगत आहेत.

‘पक्षाच्या केंद्रीय समितीने बंगालमध्ये निवडणुकीच्या व्यूहरचनेबाबत घेतलेला निर्णय यापूर्वीच राज्य समितीला कळवला आहे. त्यानुसार भविष्यात काँग्रेसबरोब कोणतीही आघाडी होऊ शकत नाही,’ असेही कारात म्हणाले.