मृत महिला दीड महिन्यांनी प्रियकरासोबत फिरताना दिसली, तपास करताच पोलिसही चक्रावले

मोतिहारी (बिहार): मृत्यूनंतर जर अचानक तिच व्यक्ती तुमच्या समोर आली तर काय होईल? या घटनेचा विचारही करवत नाही. पण अशीच एक धक्कादायक बातमी समोर आली आहे. तब्बल दीड महिन्यानंतर ज्या महिलेचा मृत्यू झाला होता, तिचा नवरा तिच्या हत्येप्रकरणी तुरुंगात आहे, ती आता जिवंत सापडली आहे. या घटनेमुळे संपूर्ण परिसरात खळबळ उडाली असून पोलीस तपास करत असल्याची माहिती आहे.

मिळालेल्या माहितीनुसार, एका महिलेच्या खून प्रकरणाला आता नवा ट्विस्ट आल्याने सर्वसामान्यांसह पोलिसही चक्रावले आहेत. या घटनेचे सत्य समोर आल्यानंतर सर्वांत मोठा प्रश्‍न उपस्थित होत आहे की, पोलिसांनी प्राथमिक तपास न करता खुनासारख्या गंभीर आरोपात गुन्हा नोंदवून कारवाई कशी सुरू केली? सध्या ही महिला जिवंत आढळून आल्याने पोलीसही आश्चर्य व्यक्त करत आहेत.

Photos : नाशिकच्या त्रंबकेश्वराला मोठा धोका, निसर्गाच्या 'या' चमत्कारामुळे नागरिकांचा जीव धोक्यात

मिळालेल्या माहितीनुसार, महिलेच्या हत्येप्रकरणी तिच्या वडिलांनी सुगौली पोलीस ठाण्यात एफआयआर दाखल केला होता. त्यावरून पोलिसांनी महिलेचा पती शेख सद्दाम याला अटक करून कारागृहात रवानगी केली. सुमारे दीड महिन्यांपासून शिक्षा भोगत असलेल्या सद्दामच्या कुटुंबीयांना ही महिला जिवंत असल्याचं आढळून आलं. मोतिहारी नगरच्या आगरवा मोहल्ल्यातून महिलेला ताब्यात घेण्यात आले आहे. ती तिच्या प्रियकरासोबत राहत होती.

महिलेचे वडील सफी अहमद यांनी त्यांचा जावई शेख सद्दाम याच्यावर हुंड्यासाठी मुलीची हत्या करून मृतदेह गहाळ केल्याचा आरोप करत एफआयआर दाखल केला होता. त्यामुळे पतीला अटक झाली होती. सफी अहमदने दाखल केलेल्या एफआयआरमध्ये त्यांच्या मुलीची हत्या केल्यानंतर सासरच्या लोकांनी नवजात अर्भकाचे अपहरण करून तिला कुठेतरी लपवून ठेवल्याचा आरोप आहे.

हॉटेलमध्ये विदेशी एस्कॉर्टसोबत सेक्स केल्याने झाला मंकीपॉक्स? रुग्ण खोटं बोलत असल्याने खळबळ
एफआयआरमध्ये सफी अहमदने हुंड्यात ५ लाख रुपयांची मागणी केल्याचा आणि पैसे न दिल्याने नाजनीनला नेहमीच मारहाण केल्याचा आरोप केला होता. मारहाणीदरम्यान जीवे मारण्याच्या धमक्याही देण्यात आल्या.