हल्लेखोरांनी गुप्तांग कापलं; मुलीचा लग्नास नकार

भोपाळ: लग्नाच्या चार दिवस आधी अज्ञात हल्लेखोरांनी गुप्तांग कापून जखमी केलेल्या मध्य प्रदेशातील २५ वर्षीय तरुणावर दुसरा मोठा आघात झाला आहे. या घटनेनंतर पीडित तरुणाच्या नियोजित वधूनं त्याच्याशी लग्न करण्यास नकार दिला आहे.

मोरेना जिल्ह्यातील या तरुणाचं उद्या, ६ फेब्रुवारी रोजी लग्न होणार होतं. या विवाहाची सर्व तयारीही झाली होती. मात्र, मागील आठवड्यात दोघा अज्ञातांनी हल्ला करून त्याचं गुप्तांग कापून टाकलं. काही कारणामुळं जखमी तरुणावर तातडीनं शस्त्रक्रियाही होऊ शकली नाही. त्यामुळं त्याच्यासह त्याच्या संपूर्ण कुटुंबाला धक्का बसला होता. त्यातच मुलीकडून लग्नाला नकार आला आहे.

'मुलीकडून नकार येणार हे आम्हाला अपेक्षितच होतं. आम्ही मनाची तशी तयारीही केली होती. पण आमच्या मुलाला समजावणं कठीण आहे,' अशी खंत पीडित तरुणाच्या कुटुंबीयांनी बोलून दाखवली.