नवी दिल्ली: दहशतवादी संघटना 'जैश-ए-मोहम्मद' चा म्होरक्या मसूद अजहरला आज दणका बसण्याची शक्यता आहे. आज संयुक्त राष्ट्र संघाच्या सुरक्षा परिषदेची महत्त्वपूर्ण बैठक होणार आहे. मसूदला आंतरराष्ट्रीय दहशतवादी घोषित करण्याबाबत फेरविचार करण्याचे संकेत चीनने या बैठकीपूर्वी दिले आहेत. या पार्श्वभूमीवर या बैठकीत एखादा मोठा निर्णय घेतला जाऊ शकतो.
मसूद अजहरला पाठीशी घालण्याची भूमिका चीनने सोडावी यासाठी भारत सातत्याने चीनवर दबाव आणत होता. चीन जर आपल्या भूमिकेपासून मागे हटला तर तो भारताच्या मुत्सदेगिरीचा विजय असेल. गेल्या तीन वर्षांत मसूदला आंतरराष्ट्रीय दहशतवादी घोषित करण्याची मागणी भारताने संयुक्त राष्ट्रात अनेक वेळा केली होती, पण प्रत्येक वेळी चीनने त्यात अडथळा आणला.
मसूदवर बंदी आणण्याप्रकरणी भारताला संयुक्त राष्ट्रात सर्व बड्या देशांचं समर्थन आहे. केवळ चीन आणि पाकिस्तान यासाठी राजी नाही. पुलवामा हल्ल्यानंतर अमेरिका, फ्रान्स आणि ब्रिटनसारखे देश चीनवर अझरबाबत कठोर भूमिका घेण्यासाठी दबाव आणत होते. चीनची ताठर भूमिका हळूहळू नरमाईची होत असल्याचे संकेत आहेत.
मसूद अजहरला पाठीशी घालण्याची भूमिका चीनने सोडावी यासाठी भारत सातत्याने चीनवर दबाव आणत होता. चीन जर आपल्या भूमिकेपासून मागे हटला तर तो भारताच्या मुत्सदेगिरीचा विजय असेल. गेल्या तीन वर्षांत मसूदला आंतरराष्ट्रीय दहशतवादी घोषित करण्याची मागणी भारताने संयुक्त राष्ट्रात अनेक वेळा केली होती, पण प्रत्येक वेळी चीनने त्यात अडथळा आणला.
मसूदवर बंदी आणण्याप्रकरणी भारताला संयुक्त राष्ट्रात सर्व बड्या देशांचं समर्थन आहे. केवळ चीन आणि पाकिस्तान यासाठी राजी नाही. पुलवामा हल्ल्यानंतर अमेरिका, फ्रान्स आणि ब्रिटनसारखे देश चीनवर अझरबाबत कठोर भूमिका घेण्यासाठी दबाव आणत होते. चीनची ताठर भूमिका हळूहळू नरमाईची होत असल्याचे संकेत आहेत.