रेल्वे, विमानतळे, बस थांब्यांवर ‘कुल्हड’मधून चहा?

नवी दिल्ली:

एकीकडे पंतप्रधान मोदींनी 'प्लास्टिकमुक्त भारत' मोहिमेची घोषणा केली असतानाच देभरातील महत्त्वाची जवळपास १०० रेल्वे स्थानके, विमानतळ, मॉल, बस डेपोंमधील स्टॉल अशा ठिकाणी यापुढे 'कुल्हड'मधून (मातीचे भांडे) चहा देणे बंधनकारक होण्याची शक्यता आहे.

केंद्रीय वाहतूक तसेच सूक्ष्म, लघु आणि मध्यम उद्योग मंत्री नितीन गडकरी यांनी त्यासाठी पुढाकार घेतला असून, त्याबाबत त्यांनी रेल्वेमंत्री पीयूष गोयल यांना पत्रही लिहिले आहे. सध्या फक्त वाराणसी आणि रायबरेली या रेल्वे स्थानकांतील खनपान सेवा पुरवठादाराकडून मातीपासून बनवलेले कप, पेले आणि बश्या वापरल्या जात आहेत.